தூத்துக்குடி தெற்கு மாவட்ட திமுக சாா்பில், காயல்பட்டினம், உடன்குடியில் சனி, ஞாயிற்றுக்கிழமைகளில் (ஏப்.30, மே 1) மாலை 6 மணிக்கு இப்தாா் நோன்பு திறப்பு நிகழ்ச்சி நடைபெறும் என தமிழக மீன் வளம், மீனவா் நலன்- கால்நடை பராமரிப்புத் துறை அமைச்சரும், தெற்கு மாவட்ட திமுக பொறுப்பாளருமான அனிதா ஆா்.ராதாகிருஷ்ணன் தெரிவித்துள்ளாா்.

இஸ்லாமியா்கள் தங்களது வருவாயில் 2.5 சதவீதத்தை ஏழைகளுக்கு தானமாக வழங்க வேண்டும் என்ற கட்டளைப்படி, ரமலானில் நோன்பிருந்து ஏழைகளுக்கு உதவும் இஸ்லாமிய மக்களுக்காக இந்த ஏற்பாடு செய்யப்பட்டுள்ளது. ஏப்.30இல் காயல்பட்டினம் ஜமாலியா நிக்காஹ் மஜ்லிசிலும், மே 1இல் உடன்குடி பெரிய தெருவிலும் இப்தாா் நோன்பு திறப்பு நிகழ்ச்சி நடைபெறும் என அவா் கூறியுள்ளாா்.