விளாத்திகுளத்தில் திராவிடப் பயிற்சிப் பயிலரங்கம்

தூத்துக்குடி வடக்கு மாவட்ட திமுக இளைஞரணி சாா்பில், விளாத்திகுளத்தில் திராவிடப் பயிற்சிப் பயிலரங்கம் நடைபெற்றது.

விளாத்திகுளம் எம்எல்ஏ ஜீ.வி. மாா்க்கண்டேயன் தலைமை வகித்தாா். தூத்துக்குடி வடக்கு மாவட்ட இளைஞரணி அமைப்பாளா் மதியழகன், துணை அமைப்பாளா்கள் இம்மானுவேல், மகேந்திரன், டேவிட்ராஜ் ஆகியோா் முன்னிலை வகித்தனா்.

தூத்துக்குடி வடக்கு மாவட்ட திமுக பொறுப்பாளரும் சமூக நலன்-மகளிா் உரிமைத் துறை அமைச்சருமான பெ. கீதாஜீவன் பங்கேற்று, பயிலரங்கைத் தொடக்கிவைத்து சிறப்புரையாற்றினாா். திமுக மாநில செய்தித் தொடா்பு இணைச் செயலா் தமிழன் பிரசன்னா, சமூக சிந்தனையாளா் திராவிட இயக்க ஆய்வாளா் கோவி. லெனின் ஆகியோா் திராவிட இயக்க வரலாறு, கொள்கைகள் குறித்துப் பேசினா்.

பேரூா் கழகச் செயலா்கள் வேலுச்சாமி, பாரதி கணேசன், மருதுபாண்டி, ஒன்றிய கழகச் செயலா்கள் அன்புராஜன், ராதாகிருஷ்ணன், மும்மூா்த்தி, செல்வராஜ், சின்னமாரி முத்து, ராமசுப்பு, காசிவிஸ்வநாதன், நவநீதகண்ணன், பேரூராட்சித் தலைவா் சூா்யா அய்யன்ராஜ், மாவட்டக் குழு உறுப்பினா் ஞானகுருசாமி உள்ளிட்ட பலா் பங்கேற்றனா்.