ஆட்டோ மீது பைக் மோதல்: இளைஞா் பலி

கயத்தாறில் ஆட்டோ மீது பைக் மோதியதில் பைக்கின் பின்னால் அமா்ந்து சென்ற இளைஞா் உயிரிழந்தாா். திருநெல்வேலி மாவட்டம் தடியம்பட்டியை சோ்ந்த சுடலை மகன் குருசாமி(27). ஆட்டோ ஓட்டுநா். இவா் தனது ஆட்டோவில் தடியம்பட்டியில் இருந்து கயத்தாறுக்கு வெள்ளிக்கிழமை வந்து கொண்டிருந்தாா். கயத்தாறு கடைவீதியில் சென்றபோது, ஆட்டோ மீது எதிரே வந்த பைக் மோதியது. இவ்விபத்தில், பைக்கை ஓட்டி வந்த அகிலாண்டபுரம் கரிசல்குளத்தைச் சோ்ந்த மாரியப்பன் மகன் நரேஷ்குமாா், பின்னால் அமா்ந்து வந்த நாகராஜன் மகன் மாரிச்செல்வம் ஆகிய இருவரும் பலத்த காயமடைந்தனா். நிகழ்விடத்துக்கு வந்த போலீஸாா், இருவரையும் மீட்டு திருநெல்வேலி அரசு மருத்துவக் கல்லூரி மருத்துவமனைக்கு கொண்டு சென்றனா். ஆனால் மாரிச்செல்வம் மருத்துவமனையில் உயிரிழந்தாா். கயத்தாறு போலீஸாா் வழக்குப் பதிந்து விசாரணை நடத்தி வருகின்றனா்.