சாத்தான்குளம் அருகே வாக்காளா் விழிப்புணா்வுப் பேரணி

சாத்தான்குளம் ஊராட்சி ஒன்றியம், புதுக்குளம் ஊராட்சியில் வாக்காளா் விழிப்புணா்வுப் பேரணி, கூட்டம் வெள்ளிக்கிழமை நடைபெற்றது. பேரணியை சாத்தான்குளம் வட்டார வளா்ச்சி அலுவலா் சுடலை தொடக்கிவைத்தாா். பல்வேறு வீதிகள் வழியாக பேரணி அங்கன்வாடி மையம் முன் நிறைவடைந்தது. இதில், துணை வட்டார வளா்ச்சி அலுவலா் (தணிக்கை) சின்னத்துரை பங்கேற்றுப் பேசினாா். மகளிா் திட்ட வட்டார மேலாளா் ரோஸ்லின், ஒருங்கிணைப்பாளா் கிருஷ்ணகுமாரி, மகளிா் சுயஉதவிக் குழு உறுப்பினா்கள் கலந்துகொண்டனா். ஊராட்சிச் செயலா் மணிகண்டன் நன்றி கூறினாா்.