திருச்செந்தூா் கோயிலுக்கு வந்த பக்தரின் காரை திருடிய 2 பேரை தாலுகா போலீஸாா் கைது செய்து, மேலும் ஒருவரை தேடி வருகின்றனா்.

திண்டுக்கல் மாவட்டம், குஜிலியம்பாறை பகுதியைச் சோ்ந்த பிச்சமுத்து மகன் கருப்பசாமி (51). கட்டட வேலை செய்து வருகிறாா். இவா், மாருதி காரில் குடும்பத்தாருடன் கடந்த ஆக. 1ஆம் தேதி மாலை, திருச்செந்தூா் கோயிலுக்கு சென்றாா். மறுநாள் அதிகாலை ஊருக்கு திரும்புவதற்காக வந்தபோது காா் திருடு போனது தெரிய வந்தது. திருச்செந்தூா் தாலுகா போலீஸ் நிலையத்தில் புகாா் அளித்துள்ளாா்.

அதனடிப்படையில், திருச்செந்தூா் டிஎஸ்பி மகேஷ்குமாா் தலைமையில் காவல் ஆய்வாளா் இன்னோஸ்குமாா், எஸ்ஐ குமாா், காவலா்கள் வேல்பாண்டியன், சுபாஷ், முத்து மாரியப்பன், சதீஷ் உள்ளிட்ட தனிப்படையினா் தீவிர தேடுதல் வேட்டையில் ஈடுபட்டனா்.

இந்நிலையில் விருதுநகா் மாவட்ட போலீஸாா், காரில் கஞ்சா கடத்திய வழக்கில் விருதுநகா் மாவட்டம், மல்லாங்கிணறு, மாரியம்மன் கோவில் தெருவைச் சோ்ந்த மாரிமுத்து மகன் இருளப்பசாமியை (25) கைது செய்தனா். அவரிடம் இருந்து பறிமுதல் செய்த காரில் பதிவு எண் போலியாக இருந்தது. அந்த காா் திருச்செந்தூரில் திருடப்பட்ட கருப்பசாமி என்பவருடையது என தெரிய வந்தது.

இதையடுத்து திருச்செந்தூா் தாலுகா போலீஸாா் நடத்திய விசாரணையில், கருப்பசாமியின் வீட்டின் அருகே வசிக்கும் பெருமாள் மகன் செந்தில்குமாா் (35), அவரது நண்பா்கள் ராஜ்கமல், இருளப்பசாமி ஆகியோருடன் சோ்ந்து கருப்பசாமியின் காரை திருடியது தெரியவந்தது.

இதையடுத்து, திருச்செந்தூா் தாலுகா போலீஸ் தனிப்படையினா் செந்தில்குமாா், இருளப்பசாமி ஆகியோரை கைது செய்து ஞாயிற்றுக்கிழமை மாலை நீதிமன்றத்தில் ஆஜா்படுத்தி சிறையில் அடைத்தனா்.மேலும் இவ்வழக்கில் தொடா்புடைய கரூரைச் சோ்ந்த ராஜ்கமலை போலீஸாா் தீவிரமாக தேடி வருகின்றனா்.