அரியலூா்: அரியலூா் மாவட்டம், ஜெயங்கொண்டத்திலுள்ள உடையாா்பாளையம் வருவாய் வட்டாட்சியரகத்தில், மாவட்ட உணவுப் பொருள் வழங்கல் மற்றும் நுகா்வோா் பாதுகாப்புத் துறை சாா்பில் எரிவாயு (கேஸ்) நுகா்வோா் குறைதீா் கூட்டம் அக். 25 ஆம் தேதி மாலை 4 மணி அளவில் நடைபெறவுள்ளது.

மாவட்ட வருவாய் அலுவலா் தலைமையில் நடைபெறும் கூட்டத்தில், அனைத்து எண்ணெய் நிறுவனங்களின் பிரதிநிதிகள், எரிவாயு முகவா்கள் கலந்து கொள்ள உள்ளனா். எனவே, எரிவாயு நுகா்வோா், சமையல் எரிவாயு தொடா்பான குறைகள் இருப்பின் இந்தக் குறைதீா் கூட்டத்தில் கலந்து கொண்டு தங்களது புகாா்களையும், ஆலோசனைகளையும் தெரிவித்து பயன்பெறலாம் என ஆட்சியா் பொ. ரத்தினசாமி தெரிவித்துள்ளாா்.