கரூர் மாநகராட்சி மேல்நிலைப் பள்ளியில் மாற்று திறனாளிகளுக்கான அடையாள அட்டை வழங்கும் முகாம் ஆட்சியர் தலைமையில் அண்மையில்(டிச. 26) நடைபெற்றது. 
முகாமிற்கு மாவட்ட ஆட்சியர் கு. கோவிந்தராஜ் தலைமை வகித்து மேலும் பேசியது:  
கரூர் மாவட்டத்தில் உள்ள 8 ஊராட்சி ஒன்றியங்களில் மாற்று திறனாளிகளுக்கான  சிறப்பு முகாம் நடத்தப்பட்டு வருகிறது. வரும் வெள்ளிக்கிழமை (டிச. 29) கிருஷ்ண ராயபுரம், ஜனவரி 3 இல் தாந்தோன்றிமலை, ஜனவரி 5 ஆம் தேதி கடவூர், 10 ஆம் தேதி அரவக்குறிச்சி,12 ஆம் தேதி தோகைமலை, 19  ஆம் தேதி க. பரமத்தி மற்றும் 24 ஆம் தேதி கிருஷ்ணராய புரத்திலும் ந டைபெற உள்ளது என்றார். முகாமில், மாவட்ட ஆட்சியர் கு. கோவிந்தராஜ், 5 மாற்று திறனாளிகளுக்கு தலா 50 ஆயிரம் மதிப்பில் மொத்தம் ரூ. 2 லட்சத்து 50 ஆயிரம் மதிப்பிலான காசோலைகள் வழங்கினார். 
முகாமில், கூட்டுறவு சார் பதிவாளர் சீனிவாசன், கரூர் கோட்டாட்சியர் கு.சரவண மூர்த்தி, மாற்று திறனாளி நலத்துறை அலுவலர் காமராஜ் உள்ளிட்டோர் பங்கேற்றனர்.