மொபெட்டில் இருந்து விழுந்த முதியவர் சாவு

தோகைமலை அருகே மொபெட்டில் இருந்து விழுந்த முதியவர் இறந்தார்.
கரூர் மாவட்டம் கடவூரை அடுத்த தனக்கனூரைச் சேர்ந்தவர் கணேசன்(80). இவர் சனிக்கிழமை இரவு  தனது மொபெட்டில் மனைவி பழனியம்மாளுடன்(65) சக்கரக்கோட்டை-பள்ளபட்டி சாலையில் பாப்பனம்பட்டி பகுதியில் சென்றபோது மொபெட் நிலைத்தடுமாறி கீழே விழுந்து பலத்த காயமடைந்தார். உடனே அவரை அக்கம்பக்கத்தினர் மீட்டு கோவையில் உள்ள தனியார் மருத்துவமனையில் அனுமதித்தனர். அங்கு அவர் சிகிச்சை பலனின்றி இறந்தார். இதுகுறித்து தோகைமலை போலீஸார் வழக்குப்பதிந்து விசாரிக்கின்றனர்.