கரூரில் வியாழக்கிழமை மாலை நடைபெற்ற திமுக ஒன்றியச் செயலாளர் கே.கருணாநிதியின் இல்லத் திருமண வரவேற்பு விழாவில் பங்கேற்ற திமுக தலைவர் மு.க.ஸ்டாலின் மணமக்களை நேரில் வாழ்த்து கூறினார்.
    கரூர் மாவட்டம் க.பரமத்தி திமுக ஒன்றியச் செயலாளராக இருப்பவர் கே.கருணாநிதி. இவரது மகள் கே.சாகித்யா, மணமகன் கேஎன்.ரஞ்சித் செல்லப்பா ஆகியோருக்கு வெள்ளிக்கிழமை  திருமணம் நடைபெறுகிறது. 
இதனை முன்னிட்டு வியாழக்கிழமை மாலை திருமண வரவேற்பு நிகழ்ச்சி கரூர் அட்லஸ் கலையரங்கில் நடைபெற்றது. விழாவில், திமுக தலைவர் மு.க.ஸ்டாலின் பங்கேற்று, மணமக்களை நேரில் வாழ்த்தினார். 
விழாவில், கரூர் மாவட்ட திமுக பொறுப்பாளரும், முன்னாள் அமைச்சருமான வி.செந்தில்பாலாஜி, முன்னாள் அமைச்சர்கள் கே.என்.நேரு, சுப்புலட்சுமி ஜெகதீசன், ம. சின்னசாமி, முன்னாள் எம்பி. கேசி.பழனிசாமி, திமுக நெசவாளர் அணித் தலைவர் நன்னியூர் ராஜேந்திரன் மற்றும் கட்சியின் முக்கிய நிர்வாகிகள், கட்சியினர், இருவீட்டாரின் உறவினர்கள் உள்ளிட்டோர் திரளாகப் பங்கேற்றனர்.