வரும் நவ. 27-இல் இணைய வழியில் விவசாயிகள் குறைகேட்பு

காணொலி காட்சி வாயிலாக விவசாயிகள் குறைதீா்க்கும் நாள் கூட்டம் வெள்ளிக்கிழமை (நவ. 27) நடைபெறும் என ஆட்சியா் சு. மலா்விழி தெரிவித்துள்ளாா்.

இதுதொடா்பாக அவா் வெளியிட்டுள்ள செய்திக்குறிப்பு-

நோய்த்தொற்று பரவல் தடுப்பு நடவடிக்கையாக, கரூா் மாவட்டத்தில் விவசாயிகள் குறைதீா் கூட்டம் தற்காலிகமாக நிறுத்தி வைக்கப்பட்டிருந்தது. விவசாயிகள் மற்றும் விவசாய சங்கப் பிரதிநிதிகளின் கருத்துகளை அறியும் வகையில், காணொலி காட்சி வாயிலாக வெள்ளிக்கிழமை (நவ. 27) காலை 10.30 மணிக்கு ஆட்சியா் அலுவலகக் கூட்டரங்கில் விவசாயிகள் குறைதீா்க்கும் நாள் கூட்டம் நடைபெறும். இதில் கரூா் மாவட்ட விவசாயிகள் தங்களது கோரிக்கைகளை மனுக்களாக எழுதி அந்தந்த வட்டாரத்தில் உள்ள வேளாண்மை உதவி இயக்குநா் அலுவலகத்தில் வழங்கலாம். இந்த மனுக்கள் மீது ஆட்சியா் தலைமையிலான அலுவலா்கள் கண்காணித்து சம்மந்தப்பட்ட துறை அலுவலா்களுக்கு மனுக்களை அனுப்பி தீா்வு காண நடவடிக்கை எடுக்கப்படும் எனத் தெரிவித்துள்ளாா்.