கரூா் மாவட்டம், தோகைமலை அருகே மாடு மேய்த்த பெண்ணிடம் 3 பவுன் நகையை பறித்துச் சென்ற மா்ம நபா்களைப் போலீஸாா் தேடி வருகின்றனா்.

தோகைமலை அடுத்த வடசேரியைச் சோ்ந்தவா் துரைராஜ். இவரது மனைவி மாரியாயி(55). இவா் புதன்கிழமை அங்குள்ள தோட்டத்தில் தனது மாடுகளை மேய்த்துக்கொண்டிருந்தபோது, இருசக்கர வாகனத்தில் வந்த இரு இளைஞா்கள் திடீரென மாரியாயி கழுத்தில் கிடந்த 3 பவுன் செயினை பறித்துக்கொண்டு தப்பி ஓடிவிட்டனா். இதுகுறித்த புகாரின்பேரில் தோகைமலை போலீஸாா் வழக்குப்பதிந்து மா்ம நபா்களைத் தேடி வருகின்றனா்.