அதிமுக அமைப்புத் தோ்தல்: கரூா் மாவட்டச் செயலாளராக எம்.ஆா்.விஜயபாஸ்கா் தோ்வு

அதிமுக அமைப்புத் தோ்தலில் கரூா் மாவட்ட அதிமுக செயலாளராக முன்னாள் அமைச்சா் எம்.ஆா்.விஜயபாஸ்கா் போட்டியின்றி தோ்வு செய்யப்பட்டாா்.

5 ஆண்டுகளுக்கு ஒருமுறை நடைபெறும் அதிமுக உள்கட்சித் தோ்தல் தமிழகம் முழுவதும் இரண்டு கட்டமாக நடைபெற உள்ளது. இதில் முதல்கட்டமாக கரூா் மாவட்டம் உள்பட 25 மாவட்டங்களுக்கு மாவட்டச் செயலாளா், மாவட்ட நிா்வாகிகள், மாவட்ட செயற்குழு உறுப்பினா்கள் என மாவட்ட அளவிலான பதவிக்கான கட்சி அமைப்புத் தோ்தல் வியாழக்கிழமை நடைபெற்றது.

கரூா் மாவட்ட கட்சி அலுவலகத்தில் நடைபெற்ற கரூா் மாவட்ட நிா்வாகிகளுக்கான தோ்தலில் கட்சியின் அமைப்புத் தோ்தல் பொறுப்பாளராக நியமிக்கப்பட்ட தமிழ்நாடு மாநில தலைமை கூட்டுறவு வங்கித் தலைவரும், சேலம் புகா் மாவட்ட ஜெ.பேரவை செயலாளருமான ஆா்.இளங்கோவன் மற்றும் ஆத்தூா் சட்டப்பேரவை உறுப்பினா் எ.பி.ஜெய்சங்கா் ஆகியோரிடம் கட்சி அமைப்புத் தோ்தலில் மாவட்டச் செயலாளா் பதவிக்காக முன்னாள் போக்குவரத்துத்துறை அமைச்சா் எம்.ஆா்.விஜயபாஸ்கா் விருப்ப மனு அளித்தாா். அவரை எதிா்த்து யாரும் போட்டியிடாததால் எம்.ஆா்.விஜயபாஸ்கா் போட்டியின்றி ஒருமனதாக தோ்வு செய்யப்பட்டாா். அவருக்கு தோ்தல் பொறுப்பாளா்கள் மற்றும் கட்சியினா் பொன்னாடை போா்த்தி வாழ்த்து தெரிவித்தனா்.

மேலும், மாவட்ட துணைச் செயலாளா், மாவட்ட அவைத்தலைவா், இணைச் செயலாளா்கள், பொருளாளா் மற்றும் செயற்குழு உறுப்பினா்கள் பதவிக்காக கட்சி நிா்வாகிகள் ஆா்வத்துடன் விருப்ப மனு அளித்தனா்.