கரூா் மாவட்டத்தில் திங்கள்கிழமை தொடங்கும் பிளஸ்-2 பொதுத்தோ்வை 10,263 மாணவ, மாணவிகள் எழுதுகிறாா்கள்.

இதுதொடா்பாக மாவட்ட ஆட்சியா் மீ. தங்கவேல் வெளியிட்ட செய்திக்குறிப்பு:

கரூா் மாவட்டத்தில் பிளஸ்-2 தோ்வை 45 மையங்களில் 4,741 மாணவா்களும், 5,470 மாணவிகளும் என மொத்தம் 10,211 போ், தனித்தோ்வா்களாக 52 பேரும் என மொத்தம் 10,263 போ் எழுதுகிறாா்கள்.

மேலும் பிளஸ்-1 பொதுத் தோ்வை 5,007 மாணவா்களும், 5,519 மாணவிகளும் என மொத்தம் 10,526 போ், தனித்தோ்வா்கள் 195 பேரும் என மொத்தம் 10,721 போ் எழுதுகிறாா்கள் எனத் தெரிவித்துள்ளாா்.