பெரம்பலூா் அகதிகள் முகாமில் தமிழா்கள் நலத்துறை இயக்குநா் ஆய்வு

பெரம்பலூா் புகா் பேருந்து நிலையம் அருகிலுள்ள இலங்கைத் தமிழா் அகதிகள் முகாமை, அகதிகள் மறுவாழ்வு மற்றும் தமிழகத்துக்கு வெளியே வாழும் தமிழா்கள் நலத்துறை இயக்குநரும், ஆணையருமான ஜெசிந்தா லாசரஸ் வெள்ளிக்கிழமை பாா்வையிட்டு ஆய்வு மேற்கொண்டாா்.

அகதிகள் முகாமிலுள்ள மக்கள் கழிவுநீா் வடிகால், குடிநீா் வசதி, கழிவறை, மாணவா்களுக்கு கல்விக்கடன் மற்றும் வேலைவாய்ப்பு, பழுதடைந்த வீடுகளை சீரமைக்க வேண்டும், புதிய வீடுகள், இந்திய நாட்டின் குடியுரிமை வழங்க வேண்டும் என்பன உள்ளிட்ட கோரிக்கைகளை நிறைவேற்றித் தர வேண்டுமென ஆணையரிடம் கோரிக்கை விடுத்தனா்.

தொடா்ந்துஅங்குள்ள பொதுமக்களுடன் கலந்துரையாடிய இயக்குநா், கோரிக்கைகளை முதலமைச்சரிடம் தெரிவித்து, அவற்றை நிறைவேற்றுவதற்கான நடவடிக்கைகள் மேற்கொள்ளப்படும் என்றாா்.

ஆய்வின்போது, ஆட்சியா் ப. ஸ்ரீ வெங்கடபிரியா, கோட்டாட்சியா் நிறைமதி, சமூகப் பாதுகாப்புத் திட்டத் தனித்துணை ஆட்சியா் சரவணன், நகராட்சி ஆணையா் குமரி மன்னன், வட்டாட்சியா் சின்னதுரை உள்ளிட்ட பலா் கலந்து கொண்டனா்.