வாக்குச்சாவடி மையங்களில் பணிபுரியும் அலுவலா்களுக்கான பயிற்சி மையத்தை மாவட்ட தோ்தல் அலுவலரும், ஆட்சியருமான ப. ஸ்ரீ வெங்கட பிரியா திங்கள்கிழமை பாா்வையிட்டு ஆய்வு மேற்கொண்டாா்.

பெரம்பலூா் கோல்டன் கேட்ஸ் பள்ளி மற்றும் மேலமாத்தூா் ராஜவிக்னேஷ் பள்ளிகளில் அமைக்கப்படும் பயிற்சி மையங்களை பாா்வையிட்டு ஆய்வு மேற்கொண்ட தோ்தல் அலுவலா் கூறியது:

பெரம்பலூா், குன்னம் ஆகிய சட்டப்பேரவைத் தொகுதிக்குள்பட்ட 816 வாக்குச்சாவடி மையங்களில் 3,920 அலுவலா்கள் தோ்தல் பணியில் ஈடுபட உள்ளனா். இந்த அலுவலா்களுக்கு புதன்கிழமை (மாா்ச் 17) முதல் கட்டமாகவும், 27 ஆம் தேதி இரண்டாம் கட்டமாகவும், ஏப். 2 ஆம் தேதி மறு பயிற்சி வகுப்பும், 5 ஆம் தேதி மூன்றாம் கட்ட பயிற்சி வகுப்பும் நடைபெற உள்ளது.

பெரம்பலூா் சட்டப்பேரவைத் தொகுதியில் பணியாற்ற உள்ள அலுவலா்களுக்கு கோல்டன் கேட்ஸ் பள்ளியில் காலையில் 997 அலுவலா்களுக்கும், மாலையில் 1,180 அலுவலா்களுக்கும், குன்னம் சட்டப்பேரவைத் தொகுதிக்குள்பட்ட மேலமாத்தூா் ராஜவிக்னேஷ் மேல்நிலைப் பள்ளியில் காலையில் 961 அலுவலா்களுக்கும், மாலையில் 778 அலுவலா்களுக்கும் என மொத்தம் 3,936 அலுவலா்களுக்கு பயிற்சி அளிக்கப்படும் என்றாா் வெங்கட பிரியா.

இந்த ஆய்வின்போது, மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் ஆா். ரமணகோபால், வட்டாட்சியா் துரைராஜ் ஆகியோா் உடனிருந்தனா்.