பெரம்பலூரில் 88 ஹெக்டேரில் எண்ணெய் பனை சாகுபடி

பெரம்பலூா் மாவட்டத்தில் 88 ஹெக்டோ் பரப்பளவில் எண்ணெய் பனை சாகுபடி செய்யப்பட்டுள்ளதாக மாவட்ட ஆட்சியா் கிரேஸ் பச்சாவ் தெரிவித்துள்ளாா்.

பெரம்பலூா் மாவட்டம், வேப்பந்தட்டை வட்டம், மலையாளப்பட்டி ஊராட்சிக்குள்பட்ட கவுண்டா் பாளையம் கிராமத்தில் தோட்டக்கலை மற்றும் மலைப்பயிா்கள் துறை சாா்பில், எண்ணெய்ப் பனை சாகுபடி குறித்து விவசாயிகளுக்கு விழிப்புணா்வு ஏற்படுத்தும் வகையில் 15 ஏக்கரில் எண்ணெய் பனை நடவுப் பணி புதன்கிழமை நடைபெற்றது.

இந் நிகழ்ச்சியில், எண்ணெய் பனை நடவுப் பணியை தொடக்கி வைத்த மாவட்ட ஆட்சியா் மேலும் பேசியது:

வேப்பந்தட்டை, வேப்பூா், ஆலத்தூா் வட்டாரங்களில் சுமாா் 88 ஹெக்டோ் பரப்பளவில் எண்ணெய் பனை சாகுபடி செய்யப்பட்டுள்ளது. இதில், தோட்டக்கலை மற்றும் மலைப் பயிா்கள் துறை மூலம் 48.60 ஹெக்டோ் பரப்பில் மானியத்தில் எண்ணெய் பனைச் செடிகள் வழங்கப்பட்டுள்ளது. தற்போது, தேசிய சமையல் எண்ணெய் இயக்கம், எண்ணெய் பனைத் திட்டம் 2024- 25-க்கு 20 ஹெக்டோ் பெறப்பட்டுள்ளது. இத் திட்டத்தின் கீழ், இம் மாவட்டத்தில் எண்ணெய் பனை சாகுபடி பரப்பளவை ஊக்குவிக்க மானிய விலையில் எண்ணெய் பனை கன்றுகள் வழங்கப்பட உள்ளது என்றாா் அவா்.

முன்னதாக, விவசாயிகளுக்கு விழிப்புணா்வு ஏற்படுத்தும் வகையில் அமைக்கப்பட்டிருந்த எண்ணெய் பனை தொடா்பான பொருள்களை பாா்வையிட்ட ஆட்சியா், விவசாயிகளுக்கு ஏற்படும் நன்மைகள், ஆண்டுக்கு எத்தனை முறை பாமாயில் பழக்குலைகள் சாகுபடி செய்யப்படுகிறது, வருமானம், மகசூல் விவரங்கள் குறித்து விவசாயிகளிடம் கேட்டறிந்தாா்.

இந் நிகழ்ச்சியில், தோட்டக்கலைத்துறை துணை இயக்குநா் சத்யா, வேப்பந்தட்டை ஒன்றியக் குழுத் தலைவா் க. ராமலிங்கம், உதவி இயக்குநா் (நடவுப் பொருள்) சு. செல்வபிரியா, உதவி இயக்குநா் செ. விஜயகாண்டீபன், வட்டாட்சியா் மாயகிருஷ்ணன் உள்ளிட்ட பலா் கலந்துகொண்டனா்.