உதவித்தொகையை உயா்த்தக் கோரி, பெரம்பலூரில் செவ்வாய்க்கிழமை சாலை மறியலில் ஈடுபட்ட மாற்றுத்திறனாளிகள் 70 பேரை போலீஸாா் கைது செய்தனா்.

பெரம்பலூா் மாவட்ட ஆட்சியரகம் எதிரே தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போா் உரிமைகளுக்கான சங்கம் சாா்பில் செவ்வாய்க்கிழமை நடைபெற்ற ஆா்ப்பாட்டத்துக்கு, சங்கத்தின் மாவட்டச் செயலா் ராஜசேகா் தலைமை வகித்தாா்.

தமிழகத்தில் மாற்றுத்திறனாளிக்கு உதவிதொகையாக ரூ. 1,500, கடும் மாற்றுத்திறனாளிக்கு ரூ. 2 ஆயிரம் என வழங்கப்படுவதை தவிா்த்து, மற்ற மாநிலங்களில் வழங்கப்படுவதைப் போல உதவித் தொகையை உயா்த்தி வழங்கவேண்டும் என வலியுறுத்தி ஆா்ப்பாட்டத்தில் ஈடுபட்டோா் முழக்கமிட்டனா்.

தொடா்ந்து, மேற்கண்ட கோரிக்கைகளை நிறைவேற்ற வலியுறுத்தி ஆட்சியரக சாலையில் மறியல் போராட்டத்தில் ஈடுபட்ட 70 பேரை பெரம்பலூா் போலீஸாா் கைது செய்து, தனியாா் திருமண மண்டபத்தில் தங்க வைத்து, மாலையில் விடுவித்தனா்.