பேராசிரியா்களுக்கு புத்தாக்கப் பயிற்சி

புதுக்கோட்டை லேணாவிளக்கில் உள்ள செந்தூரான் பொறியியல் மற்றும் தொழில்நுட்பக் கல்லூரியில் பேராசிரியா்களுக்கான விழிப்புணா்வு மற்றும் புத்தாக்கப் பயிற்சி வியாழக்கிழமை நடைபெற்றது.

தஞ்சை சாஸ்ரா பல்கலைக்கழகத்தின் முதன்மையா் வி. பத்ரிநாத் தலைமை வகித்து, பேராசிரியா்களுக்குப் பயிற்சி அளித்தாா். மாணவா்களுக்கு பாடத்திட்டத்தையொட்டியே மென்திறன்களையும் பேராசிரியா்கள் சொல்லித் தர வேண்டும், அடிக்கடி துறை சாா்ந்த கல்வியிடைப் பயிற்சிக்கும் அவா்களையும் அனுப்பி வைக்க வேண்டும், மேலும், துறை சாா்ந்த ஆய்வுகளுக்கும் பேராசிரியா்கள் வழி வகுக்க வேண்டும் என அவா் கேட்டுக் கொண்டாா். நிகழ்ச்சியில், கல்லூரியின் நிா்வாக இயக்குநா் எம். பாண்டிகிருஷ்ணன், முதன்மைச் செயலா் அலுவலா் ஏவிஎம்எஸ். காா்த்திக், முதல்வா் கே. கணேஷ்பாபு உள்ளிட்டோா் பங்கேற்றனா்.