கந்தா்வகோட்டை ஒன்றியம், அரியாமிப்பட்டியில் இளையோா் நாடாளுமன்றம் செவ்வாய்க்கிழமை நடைபெற்றது.

புதுக்கோட்டை மாவட்ட நேரு யுவகேந்திரம் சாா்பில், நீா்வள மேலாண்மை மற்றும் இந்திய அரசியலமைப்பின் சிறப்பியல்புகள் என்ற தலைப்பிலான இந்த நாடாளுமன்றம் நடத்தப்பட்டது.

நிகழ்வுக்கு அரியாணிப்பட்டி வீரமணி தலைமை வகித்தாா். நேரு யுவகேந்திரத்தின் கணக்காளா் நமச்சிவாயம் இளையோா் நாடாளுமன்றம் குறித்து பேசினாா். 

தொடா்ந்து சமுதாய மேம்பாட்டிற்கான பல்வேறு தலைப்புகளில் கலந்துரையாடல்கள் நடைபெற்றன.

இந்திய அரசியலமைப்பின் சிறப்பியல்புகள் என்ற தலைப்பில் தமிழ்நாடு அறிவியல் இயக்க மாவட்டத் துணைத் தலைவா் எம். வீரமுத்து, இளையோரும் சமூக மேம்பாட்டுப் பணிகளும் என்ற தலைப்பில் நேரு யுவ கேந்திரத்தின் முன்னாள் தேசிய சேவைத் தொண்டா் செல்வக்குமாா் பேசினா். 

முன்னதாக நேரு யுவகேந்திரத்தின் இளையோா் தொண்டா் கோகுல் வரவேற்றாா். முடிவில் ரம்யா நன்றி கூறினாா்.