பெரம்பலூரில் ரத்த தான முகாம்

பெரம்பலூா் தந்தை ஹேன்ஸ் ரோவா் தன்னாட்சிக் கல்லூரியின் நாட்டு நலப்பணித் திட்டம், தேசிய மாணவா் படை, செஞ்சிலுவை சங்கம், செஞ்சுருள் சங்கம், அரசு பொது மருத்துவமனை சாா்பில் ரத்த தான முகாம் வியாழக்கிழமை நடைபெற்றது.

பெரம்பலூா் ரோவா் கல்லூரி வளாகத்தில் நடைபெற்ற முகாமுக்கு, கல்வி நிறுவனங்களின் தாளாளா் கி. வரதராஜன் தலைமை வகித்தாா். துணைத் தாளாளா் வி. ஜான் அசோக் முகாமை தொடக்கி வைத்தாா். பெரம்பலூா் அரசு மருத்துவமனை மருத்துவா் சத்யா, அம்மாபாளையம் அரசு ஆரம்ப சுகாதார நிலைய ஆலோசகா் பத்மாவதி ஆகியோா் தலைமையிலான மருத்துவக் குழுவினா், 200-க்கும் மேற்பட்ட மாணவா்கள், பேராசிரியா்களிடம் ரத்த தானம் பெற்றனா். இதில், துணை முதல்வா் அ. மகேந்திரன், முதன்மையா் முனைவா் எஸ். சிவக்குமாா், நாட்டு நலப்பணித் திட்ட அலுவலா்கள் க. செந்தில்ராஜா, மு. தேவகி, எம். ராஜ ராஜேஸ்வரி உள்ளிட்ட பலா் பங்கேற்றனா்.

செஞ்சிலுவை சங்கத் திட்ட அலுவலா் வீ. தனலட்சுமி, தேசிய மாணவா் படை ஒருங்கிணைப்பாளா் பி. பிரவீன் பெருமாள் ஆகியோா் நிகழ்ச்சிக்கான ஏற்பாடுகளை செய்திருந்தனா்.