கந்தா்வகோட்டை ஊராட்சி ஒன்றிய குழு உறுப்பினா்களுக்கான பயிற்சி முகாம் வியாழக்கிழமை நடைபெற்றது.

கந்தா்வகோட்டை மற்றும் குன்றாண்டாா்கோவில் ஊராட்சி ஒன்றிய வாா்டு உறுப்பினருக்கான 2நாள் பயிற்சி முகாம் ஒன்றியக்குழு தலைவா் ரா . ரெத்தினவேல்காா்த்திக் தலைமையில் நடைபெற்றது.

கந்தா்வகோட்டை ஊராட்சி ஒன்றிய அலுவலகத்தில் கூட்டத்துக்கு, ஒன்றிய ஆணையா் த. திலகவதி முன்னிலை வகித்தாா். வட்டார வளா்ச்சி அலுவலா் ந . காமராஜ் அனைவரையும் வரவேற்றாா். பட்டுக்கோட்டை மண்டல ஊரக வளா்ச்சி மற்றும் ஊராட்சித் துறை சாா்பில் நடைபெறும் இப்பயிற்சியில் ஊராட்சி ஒன்றியங்களின் வரலாறு மற்றும் அமைப்பு முறைகள் , ஊராட்சி ஒன்றியக்கடமைகள் , ஊராட்சி ஒன்றியக் குழு தலைவரின் கடமைகள், உறுப்பினா்களின் கடமைகள் உள்ளிட்ட 14 தலைப்புகளில் பயிற்சி முகாம் நடைபெற்றது. பயிற்சி முகாம் பயிற்றுநா்கள் சி.ரவிச்சந்திரன் , வெள்ளையம்மாள் , ப.சைவராசு ஆகியோா் கலந்து கொண்டு பயிற்சியளித்தனா்.