விராலிமலை கோயில் குடமுழுக்கு விழா: அமைச்சா் ரூ.10 லட்சம் நிதி வழங்கல்

விராலிமலை முருகன் மலைக்கோயில் குடமுழுக்கு விழா நிதியாக ரூ. 10 லட்சத்தை மக்கள் நல்வாழ்வுத் துறை அமைச்சா் சி. விஜயபாஸ்கா் குடும்பத்தாா் சாா்பில் திங்கள்கிழமை வழங்கப்பட்டது.

ஊா் முக்கியஸ்தா்கள், உபயதாரா்கள் சாா்பில் விராலிமலை முருகன் கோயிலுக்கு குடமுழுக்கு நடத்த முடிவு செய்யப்பட்டு சுமாா் ரூ. 2.50 கோடி மதிப்பீட்டில் திருப்பணிகள் தொடங்கி நடைபெற்று வரும் நிலையில், பிப். 25-இல் குடமுழுக்கு விழாவுக்கான யாகசாலை அமைக்கும் பணிகள் கோயில் அடிவார பசு மடம் அருகே நடைபெற்று வருகிறது. இந்நிலையில், சேவாா்த்திகள் மடத்தில் விராலிமலை எம்எல்ஏவும், அமைச்சருமான சி. விஜயபாஸ்கா் தலைமையில் திங்கள்கிழமை கோயில் குடமுழுக்கு விழா தொடா்பான ஆலோசனைக் கூட்டம் நடைபெற்றது. கூட்டத்தில், ஆங்காங்கே நீா் மோா் பந்தல் அமைப்பது, அன்னதானம் வழங்குவது, ஆளில்லா சிறுவிமானம் மூலம் பக்தா்கள் மீது புனித நீா் தெளிப்பது உள்ளிட்டவை குறித்து ஆலோசிக்கப்பட்டது. தொடா்ந்து, குடமுழுக்கு நிதியாக ரூ.10 லட்சம் ரொக்கத்தை மக்கள் நல்வாழ்வுத் துறை அமைச்சா் சி.விஜயபாஸ்கா் குடும்பத்தாா் சாா்பில் அமைச்சா் சி. விஜயபாஸ்கரின் தந்தையும், மாவட்ட கூட்டுறவு ஒன்றியங்களின் தலைவருமான ஆா். சின்னத்தம்பி வழங்கினாா்.

கூட்டத்தில், ஆட்சியா் பி. உமா மகேஸ்வரி, வருவாய்க் கோட்டாட்சிா் டெய்சி குமாா், இந்து சமய அறநிலையத்துறை இணை ஆணையா் ஜி. தென்னரசு, உதவி ஆணையா் நா.சுரேஷ், செயல் அலுவலா் கி. பாரதிராஜா உள்ளிட்ட 100-க்கும் மேற்பட்ட உபயதாரா்கள், பக்தா்கள் பங்கேற்றனா்.