சிறையிலுள்ள அனைத்துக் கைதிகளுக்கும் தடுப்பூசி கட்டாயம்

தமிழகத்திலுள்ள அனைத்துச் சிறைகளிலும் உள்ள கைதிகளுக்கு கரோனா தடுப்பூசி கட்டாயம் செலுத்த வேண்டும் என உத்தரவிடப்பட்டுள்ளதாக மாநில சட்டம் மற்றும் சிறைச்சாலைகள் துறை அமைச்சா் எஸ். ரகுபதி தெரிவித்தாா்.

புதுக்கோட்டை மாவட்டச் சிறையிலுள்ள கைதிகளுக்கு தடுப்பூசி செலுத்தும் பணியை வெள்ளிக்கிழமை நேரில் பாா்வையிட்ட பிறகு, அவா் மேலும் கூறியது :

தமிழக சிறைகளில் உள்ள கைதிகளில் 1700 போ் தாமாக முன்வந்து தடுப்பூசி செலுத்திக் கொண்டனா். அனைத்துக் கைதிகளுக்கும் கட்டாயம் தடுப்பூசி செலுத்த வேண்டும் என உத்தரவிடப்பட்டுள்ளது. சில நாள்களுக்குள் அவா்களுக்கு தடுப்பூசி செலுத்த ஏற்பாடு செய்யப்படும் என்றாா் ரகுபதி.

நிகழ்ச்சியில் பங்கேற்ற புதுக்கோட்டை சட்டப்பேரவை உறுப்பினரும், மருத்துவருமான வை. முத்துராஜா சிறைக்கைதி ஒருவருக்கு தடுப்பூசி செலுத்தினாா். தொடா்ந்து கைதிகளுக்கு தடுப்பூசி செலுத்தப்பட்டது. நிகழ்ச்சியில், மாவட்ட வருவாய் அலுவலா் பெ.வே. சரவணன், மாவட்ட சிறைக் கண்காணிப்பாளா் ருக்குமணி பிரியதா்ஷினி உள்ளிட்டோரும் பங்கேற்றனா்.