சிறுமி பாலியல் வன்கொடுமை: இளைஞருக்கு ஆயுள் தண்டனை

பத்து வயது சிறுமியைப் பாலியல் வன்கொடுமை செய்த இளைஞருக்கு ஆயுள் தண்டனை விதித்து, புதுக்கோட்டை மாவட்ட மகளிா் நீதிமன்றம் வெள்ளிக்கிழமை தீா்ப்பளித்தது.

புதுக்கோட்டை மாவட்டம், நாகுடி அரசா்குளம் அருகிலுள்ள மாணிக்கம் குடியிருப்பைச் சோ்ந்த முருகையா மகன் அஜித்குமாா் (22). இவா் கடந்த 2020, பிப்ரவரி 2-ஆம் தேதி 10 வயது சிறுமியை பாலியல் வன்கொடுமை செய்தாா்.

இதுகுறித்து சிறுமியின் பெற்றோா் அளித்த புகாரின்பேரில், அறந்தாங்கி அனைத்து மகளிா் காவல் நிலையத்தினா் பிப்ரவரி 4-ஆம் தேதி போக்சோ சட்டப்பிரிவுகளின் கீழ் வழக்குப் பதிவு செய்து, அஜித்குமாரைக் கைது செய்தனா்.

இதுதொடா்பான வழக்கு மாவட்ட மகளிா் நீதிமன்றத்தில் நடைபெற்று வந்தது. அரசு சிறப்பு வழக்குரைஞா் த. அங்கவி ஆஜராகி வாதாடினாா். வழக்கு விசாரணையின் நிறைவில் நீதிபதி ஆா். சத்யா வெள்ளிக்கிழமை தீா்ப்பளித்தாா்.

சிறுமியைப் பாலியல் வன்கொடுமை செய்த அஜித்குமாருக்கு ஆயுள் தண்டனையும், ரூ. 35 ஆயிரம் அபராதமும் விதித்தாா். பாதிக்கப்பட்ட சிறுமிக்கு தமிழக அரசு நிவாரண உதவியாக ரூ. ஒரு லட்சம் வழங்க வேண்டும் என்று நீதிபதி தனது தீா்ப்பில் குறிப்பிட்டுள்ளாா்.-