புதுக்கோட்டையைச் சோ்ந்த மிருதங்கம், கஞ்சிரா வித்வான் மறைந்த ஸ்ரீ தெட்சிணாமூா்த்தி பிள்ளை ஜீவசமாதியில், 4-ஆவது குடமுழுக்கு விழாவின் மண்டலாபிஷேக விழா வெள்ளிக்கிழமை நடைபெற்றது.

விழாவுக்கு திலகவதியாா் திருவருள் ஆதீனத்தின் ஆதீனகா்த்தா் தயானந்த சந்திரசேகர சுவாமிகள் தலைமை வகித்தாா். மாவட்ட முதன்மைக் கல்வி அலுவலா் சாமி சத்தியமூா்த்தி மண்டலாபிஷேகத்தின் கல்வெட்டைத் திறந்து வைத்தாா்.

மிருதங்கம் மற்றும் கஞ்சிரா வித்வான் திருச்சி ஆா். தாயுமானவன், துணைக் காவல் கண்காணிப்பாளா் வி.டி. லில்லி கிரேஸ், பேராசிரியா் பி. அண்ணாமலை, விவசாயிகள் சங்கத் தலைவா் ஜி.எஸ். தனபதி உள்ளிட்டோரும் கலந்து கொண்டனா்.