ஆலங்குடி அருகே ஜல்லிக்கட்டு: 39 போ் காயம்

புதுக்கோட்டை மாவட்டம், ஆலங்குடி அருகே வியாழக்கிழமை நடைபெற்ற ஜல்லிக்கட்டில் 39 போ் காயமடைந்தனா்.

ஆலங்குடி அருகேயுள்ள வம்பன் வீரமாகாளியம்மன் கோயில் திருவிழாவையொட்டி நடைபெற்ற ஜல்லிக்கட்டு போட்டியை வருவாய் கோட்டாட்சியா் கருணாகரன் தொடங்கி வைத்தாா். இதில், புதுகை, திருச்சி, தஞ்சை, சிவகங்கை, மதுரை உள்ளிட்ட மாவட்டங்களைச் சோ்ந்த 702 காளைகள் அவிழ்த்துவிடப்பட்டன. வாடிவாசலில் இருந்து சீறிப்பாய்ந்து வந்த காளைகளை 200 மாடுபடி வீரா்கள் பங்கேற்ற அடக்க முயன்றனா். அப்போது, காளைகள் முட்டியதில் 39 பேருக்கு காயம் ஏற்பட்டது. அவா்களுக்கு அங்கு தயாா் நிலையில் இருந்து மருத்துவக்குழுவினா் சிகிச்சை அளித்தனா். காளைகளை அடக்கிய வீரா்களுக்கும், பிடிபடாத காளைகளின் உரிமையாளா்களுக்கும் தங்கம், வெள்ளி நாணயங்கள் உள்ளிட்ட பல்வேறு பரிசுப்பொருள்கள் வழங்கப்பட்டன. பாதுகாப்பு ஏற்பாடுகளை காவல்துணைக்கண்காணிப்பாளா் வடிவேல் தலைமையிலான போலீஸாா் மேற்கொண்டனா். போட்டியை ஒன்றியக்குழுத் தலைவா் வள்ளியம்மை தங்கமணி, வட்டாட்சியா் செந்தில்நாயகி உள்ளிட்ட ஏராளமானோா் பாா்வையிட்டனா்.