பொன்னமராவதி: பொன்னமராவதி அருகே உள்ள கருப்புக்குடிப்பட்டி ஊராட்சி ஒன்றிய தொடக்கப்பள்ளி மாநில அளவில் சிறந்த பள்ளிக்கான விருதை பெற்றுள்ளது.

குழந்கைகள் தின விழாவையொட்டி சென்னையில் தமிழ்நாடு பள்ளிக்கல்வித்துறை சாா்பில் சிறந்த பள்ளிகளுக்கு கேடயங்கள் மற்றும் மாணவா்களுக்கு பாராட்டுச்சான்றிதழ் வழங்கும் விழா செவ்வாய்க்கிழமை நடைபெற்றது. விழாவில் கருப்புக்குடிப்பட்டி ஊராட்சி ஒன்றிய தொடக்கப்பள்ளிக்கு சிறந்த பள்ளிக்கான விருதை பள்ளிக்கல்வித்துறை அமைச்சா் அன்பில் மகேஸ் பொய்யாமொழி வழங்கினாா். பள்ளியின் தலைமையாசிரியா்புவியரசு மற்றும் வட்டாரக்கல்வி அலுவலா் இலாஹிஜான் ஆகியோா் விருதை பெற்றுக்கொண்டனா்.

ஸ்மாா்ட் வகுப்புகள், ஆசிரியா்களின் சிறந்த கற்பித்தல் திறன், பள்ளி வளாக பராமரிப்பு, மற்றும் உள்கட்டமைப்பு வசதிகள் என பல்வேறு கட்டமைப்புடன் இப்பள்ளி திகழ்ந்ததால் விருது வழங்கப்பட்டுள்ளது குறிப்பிடத்தக்கது. விருது பெற வித்திட்ட பள்ளித் தலைமையாசிரியா் மற்றும் ஆசிரியா்களை ஊா்ப் பொதுமக்கள் மற்றும் பள்ளி மேலாண்மைக்குழு நிா்வாகிகள் பாராட்டினா்.