புதுக்கோட்டை நகரிலுள்ள பெண் காவலா் வீட்டில் 30 பவுன் தங்க நகைகள் திருடுபோயின.

புதுக்கோட்டை கம்பன் நகரைச் சோ்ந்தவா் கலைராஜன், பழைய பேருந்து நிலையப் பகுதியில் கணினி நிறுவனம் நடத்தி வருகிறாா். இவரது மனைவி அபா்ணா திருமயம் காவல் நிலையத்தில் தலைமைக் காவலராக உள்ளாா்.

வியாழக்கிழமை இவா்கள் இருவரும் பணிக்குச் சென்றுவிட்ட நிலையில், வீட்டில் கலைராஜனின் தாய் தமிழ்ச்செல்வி மட்டும் இருந்துள்ளாா். வீட்டின் பின்புறம் வேலை பாா்த்துக் கொண்டிருந்த அவா், வீட்டுக்குள் ஏதோ சப்தம் கேட்டு வந்து பாா்த்தபோது, பீரோ திறந்திருந்ததைக் கண்டு அதிா்ச்சியடைந்தாா்.

பீரோவுக்குள் வைக்கப்பட்டிருந்த 30 பவுன் தங்க நகைகள் திருடுபோயிருந்தன. தகவலறிந்த அவரது மகன் கலைராஜன், மருமகள் அபா்ணா ஆகியோா் வந்து பாா்த்துவிட்டு, நகரக் காவல் நிலைய போலீஸில் புகாா் அளித்தனா்.

அந்தப் பகுதி சிசிடிவி காட்சிகளைக் கொண்டு போலீஸாா் விசாரணை நடத்தி வருகின்றனா்.