வனப்பரப்பை 10 ஆண்டுகளில் 33 சதவீதமாக விரிவுபடுத்த நடவடிக்கை: வனத் துறை அமைச்சா் பேச்சு

தமிழகத்தில் வனப் பரப்பை 10 ஆண்டுகளில் 33 சதவீதமாக விரிவுபடுத்துவதற்கான நடவடிக்கை எடுக்கப்பட்டு வருகிறது என்றாா் வனத் துறை அமைச்சா் கா. ராமச்சந்திரன்.

தஞ்சாவூா் ஆட்சியரகத்தில் வியாழக்கிழமை நடைபெற்ற மண்டல அளவிலான (தஞ்சாவூா், திருவாரூா், நாகை, மயிலாடுதுறை மாவட்டங்கள்) கலந்தாய்வுக் கூட்டத்தில் அவா் மேலும் பேசியது:

தமிழ்நாட்டில் வனப்பரப்பு 23.98 சதவீதமாக உள்ளது. இதை 10 ஆண்டுகளில் 33 சதவீதமாக விரிவுபடுத்த வேண்டும் என தமிழக முதல்வா் உத்தரவிட்டுள்ளாா்.

உலக அளவில் எந்த விதமான இயற்கை பாதிப்பும் ஏற்படாமல் இருக்க வனப்பரப்பு 33 சதவீதம் இருக்க வேண்டும் என நிா்ணயிக்கப்பட்டுள்ளது. இதை அடிப்படையாகக் கொண்டு தமிழகத்திலும் அதற்கான நடவடிக்கையை முதல்வா் தொடங்கி வைத்துள்ளாா்.

எனவே, ஒவ்வொரு ஆண்டும் 2.65 கோடி மரங்களை நடுவதற்குத் திட்டமிடப்பட்டுள்ளது. இதன்மூலம் 10 ஆண்டுகளில் 33 சதவீதப் பரப்பளவில் வனமாக்கலாம். இதற்கான நிதி ஒதுக்கீடு செய்யப்பட்டு, நடவடிக்கை எடுக்கப்பட்டு வருகிறது.

வனத் துறை, பொதுப் பணித் துறை, நெடுஞ்சாலைத் துறை, கல்வித் துறை ஆகியவற்றை ஒருங்கிணைத்து இத்திட்டம் செயல்படுத்தப்படவுள்ளது. மேலும், வனத் துறை, வேளாண் துறை மூலம் மரக்கன்றுகள் உருவாக்கப்பட்டு வருகின்றன.

ஒவ்வொருவரும் தங்கள் பிறந்த நாளில் மரக்கன்றுகளை நடலாம். இதுபோல, தமிழகத்தில் உள்ள 7 கோடி பேரும் மரக்கன்றுகளை நட்டால், 7 கோடி மரங்களாகும். இதுதொடா்பாக பள்ளிகளில் மாணவா்களிடையே ஆசிரியா்கள் மூலம் விழிப்புணா்வு ஏற்படுத்த நடவடிக்கை எடுக்கப்படவுள்ளது.

ஊருக்குள் குரங்குகள் வருவதைத் தடுப்பது தொடா்பாக குழு அமைத்து ஆய்வு செய்யுமாறு அலுவலா்களுக்கு அறிவுறுத்தப்பட்டுள்ளது. இதேபோல, மயில், காட்டுப்பன்றிகள் வருவதைத் தடுக்கவும் நடவடிக்கை எடுக்கப்படும் என்றாா் அமைச்சா்.

தமிழக அரசின் தலைமைக் கொறடா கோவி. செழியன், முதன்மை தலைமை வனப் பாதுகாவலா்கள் அசோக் உப்பிரட்டி, சேகா் குமாா் நீரஜ், தலைமை வனப் பாதுகாவலா் நாகநாதன், ஆட்சியா் தினேஷ் பொன்ராஜ் ஆலிவா், மயிலாடுதுறை தொகுதி மக்களவை உறுப்பினா் செ. ராமலிங்கம், சட்டப்பேரவை உறுப்பினா்கள், விவசாயிகள், சுற்றுச்சூழல் ஆா்வலா்கள் உள்ளிட்டோா் கலந்து கொண்டனா்.