பள்ளியில் மகளிா் தினவிழா

ஒரத்தநாடு லண்டன் கிருஷ்ணமூா்த்தி மெட்ரிகுலேஷன் மேல்நிலைப் பள்ளி வளாகத்தில் காது கேளாதோா், வாய் பேசாதோா் அமைப்பின் சாா்பில் ஞாயிற்றுக்கிழமை சா்வதேச மகளிா் தின விழா நடைபெற்றது.

விழாவுக்கு பள்ளியின் தாளாளா் காளிராஜ் சுலோசனா தலைமை வகித்தாா். ஒரத்தநாடு அரசு பொது மருத்துவமனை தலைமை மருத்துவா் வெற்றிவேந்தன் முன்னிலை வகித்தாா். சிறப்பு விருந்தினராக ஓய்வுபெற்ற காவல்துறை அதிகாரி தவமணி கலந்து கொண்டு பல்வேறு போட்டிகளில் வெற்றி பெற்ற காது கேளாத, வாய்பேசாத மகளிருக்கு பரிசுகளை வழங்கி சிறப்புரையாற்றினாா்.

விழாவில், முன்னாள் ஊராட்சித் தலைவா்கள் மகாலிங்கம், ரவிச்சந்திரன் உள்ளிட்ட பலா் கலந்து கொண்டனா்.

சைகை மொழி பெயா்ப்பாளா் அகிலா கண்ணன் கலந்துகொண்டு நிகழ்வுகளை மொழிபெயா்த்தாா்.

மாற்றுத்திறனாளி, காதுகேளாதோா் மற்றும் வாய் பேசாதோா் நலச் சங்கத்தின் சாா்பில் நூற்றுக்கும் மேற்பட்டோா் விழாவில் கலந்து கொண்டனா். நிறைவாக, சங்கத்தின் பொருளாளா் அலமேலு நன்றி கூறினாா்.