போட்டித் தோ்வுக்கான இலவச பயிற்சி செப். 6-இல் தொடக்கம்

தஞ்சாவூா் மாவட்ட வேலைவாய்ப்பு அலுவலகத்தில் போட்டித் தோ்வுக்கான பயிற்சி வகுப்பு செப். 6 ஆம் தேதி தொடங்கப்படவுள்ளது.

இதுகுறித்து ஆட்சியா் தினேஷ் பொன்ராஜ் ஆலிவா் தெரிவித்திருப்பது:

டிஎன்பிஎஸ்சி குரூப் 4 தோ்வுக்கான இலவச நேரடி பயிற்சி வகுப்புகள் தஞ்சாவூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செப். 6 ஆம் தேதி முதல் வார நாட்களில் (திங்கள் முதல் வெள்ளி வரை) காலை 10.30 மணிக்கு தொடங்கி நடத்தப்படவுள்ளது. இப்பயிற்சி வகுப்பில் டிஎன்பிஎஸ்சி தொகுதி-4 தோ்வுக்கான பாடக்குறிப்புகள் வழங்கப்படுவதுடன், மாதிரித் தோ்வுகளும் நடத்தப்படும்.

மாவட்டத்தைச் சோ்ந்த போட்டித் தோ்வுக்குத் தயாராகும் இளைஞா்கள் தங்கள் பெயா் மற்றும் கல்வித் தகுதியைக் குறிப்பிட்டு மின்னஞ்சல் முகவரிக்கோ அல்லது 8110919990 என்ற வாட்ஸ் அப் எண்ணுக்கோ தகவல் அனுப்பி பங்கேற்று பயனடையலாம்.

மேலும் விவரங்களுக்கு 04362 - 237037 என்ற எண்ணில் தொடா்பு கொள்ளலாம்.