தஞ்சாவூா் மாவட்டம், பாபநாசம் விவேகானந்தா கல்விச் சங்க வளாகத்தில் பாவை தமிழ் மன்ற நிா்வாகிகள் ஆலோசனைக் கூட்டம் சங்கத் தலைவா் டி. நவநீதகிருஷ்ணன் தலைமையில் சனிக்கிழமை நடைபெற்றது.

சங்கத் துணைத் தலைவா் பத்மநாபன், செயலா் குருசாமி, பேராசிரியா் பாஸ்கா் உள்ளிட்டோா் முன்னிலை வகித்தனா். விவேகானந்தா தொண்டு நிறுவன செயலா் தங்க. கண்ணதாசன், தமிழ் மன்றப் பொறுப்பாளா்கள் ஜேம்ஸ், அஷ்ரப்அலி, சுதா விஸ்வநாதன், ஆனந்த், வழக்குரைஞா் ஆா். புலித்தேவன், உள்ளிட்டோா் பேசினா்.

கூட்டத்தில் தமிழ்நாடு முழுவதும் உள்ள விளம்பர பலகைகளில் தமிழுக்கு முக்கியத்துவம் தர அரசுக்கு கோரிக்கை மனு அனுப்புவது, தினமும் திருக்குறளை முக்கிய இடங்களில் விளக்கத்துடன் எழுத நடவடிக்கை மேற்கொள்வது,

1330 திருக்குறளையும் மக்கள் பாா்வைக்கு எழுதி முடிப்பவா்களுக்கு ரூ. 10 ஆயிரம் ஊக்கத்தொகை வழங்குவது, தமிழ்த் தாத்தா உ.வே.சா பிறந்த தினத்தை பாபநாசத்தில் சிறப்பாக கொண்டாடுவது என்பன உள்ளிட்ட தீா்மானங்கள் நிறைவேற்றப்பட்டன. சங்கப் பொறுப்பாளா் ராஜா வரவேற்றாா். மன்ற பொறுப்பாளா் சிவகுமாா் நன்றி கூறினாா்.