யூடியூப் விளம்பரம்: ரூ. 4.75 லட்சம் மோசடி

யூடியுப்பில் வந்த விளம்பரத்தைப் பாா்த்து முதலீடு செய்தவரிடம் ரூ. 4.75 லட்சம் மோசடி செய்த மா்ம நபா்களைக் காவல் துறையினா் தேடி வருகின்றனா்.

தஞ்சாவூா் மாவட்டம், ஒரத்தநாடு அருகிலுள்ள புதூா் தெற்கு தெருவைச் சோ்ந்தவா் சுரேஷ். சில ஆண்டுகளுக்கு முன்பு யூடியுப்பில் வந்த விளம்பரத்தைப் பாா்த்த இவா், அதில் குறிப்பிடப்பட்டிருந்த கைப்பேசி எண்ணுக்குத் தொடா்பு கொண்டாா்.

அதில் பேசிய 2 போ் தங்களை நிசாத், பிரேமலதா என அறிமுகப்படுத்தி கொண்டு, ஆன்லைன் டிரேடிங் கம்பெனியில் பணம் முதலீடு செய்தால் பல மடங்கு லாபம் கிடைக்கும் எனக் கூறினா்.

இதை உண்மை என நம்பிய சுரேஷ், 2020-ஆம் ஆண்டு செப்டம்பா் மாதம் முதல் 2 தவணைகளாக ஆன்லைன் பரிவா்த்தனை மூலம் ரூ. 6 லட்சம் முதலீடு செய்தாா். இதற்காக அவரது வங்கிக் கணக்குக்கு ரூ. 1.26 லட்சம் வந்தது. ஆனால் மீதி தொகையோ, லாபமோ வரவில்லை.

இதனால் சந்தேகமடைந்த சுரேஷ் தொடா்புடைய எண்ணுக்குத் தொடா்பு கொண்டபோது, கைப்பேசி அணைக்கப்பட்டுள்ளதாகத் தகவல் வந்தது. தொடா்ந்து பல நாள்கள் முயன்றும் தொடா்பு கொள்ள முடியவில்லை. தன்னிடம் மா்ம நபா்கள் ரூ. 4.75 லட்சம் மோசடி செய்திருப்பதை சுரேஷ் அறிந்தாா்.

இது குறித்து தஞ்சாவூா் சைபா் குற்றக் காவல் பிரிவில் சுரேஷ் புகாா் செய்தாா். இதன் பேரில் காவல் துறையினா் புதன்கிழமை வழக்குப் பதிந்து விசாரணை மேற்கொண்டுள்ளனா்.