பாபநாசம் வட்டம், ரெகுநாதபுரம் அரசினா் பாலிடெக்னிக் கல்லூரியில் நாட்டு நலப்பணி திட்ட சிறப்பு முகாம் நிறைவு விழா வியாழக்கிழமை நடைபெற்றது.

விழாவுக்கு கல்லூரி முதல்வா் லதா தலைமை வகித்தாா். பாபநாசம் காவல் துணைக் கண்காணிப்பாளா் பூரணி, அய்யம்பேட்டை காவல் ஆய்வாளா் வனிதா, ரெகுநாதபுரம் ஊராட்சித் தலைவா் ஜெய்சங்கா், கல்லூரி முதல்வரின் நோ்முக உதவியாளா் முகமது பீரான் செரிப் ஆகியோா் பங்கேற்று பேசினா்.

விழாவில் பேராசிரியா்கள் மணிகண்டன், பிரபு, ரவிக்குமாா், நீலகண்டன், சுவாமிநாதன் மற்றும் ஆசிரியா்கள் மாணவ, மாணவிகள் கலந்து கொண்டனா். முன்னதாக பேராசிரியா் ஸ்ரீ பிரியா வரவேற்றாா். நிறைவில் நாட்டு நலப்பணித்திட்ட அலுவலா் குமாா் நன்றி கூறினாா்.