பிளஸ் 2 தோ்வில் முதல் மதிப்பெண் பெறும் அரசுப்பள்ளி மாணவா்களுக்கு ஊக்கப்பரிசு

பேராவூரணி பகுதி அரசுப்பள்ளிகளில்  நிகழாண்டில் பிளஸ் 2 அரசு பொதுத்தோ்வு எழுதும் மாணவா்களில் , ஒவ்வொரு பள்ளியிலும் முதல் மதிப்பெண் பெறும் மாணவா்களுக்கு ஊக்கப்பரிசு  வழங்குவதாக சமூக ஆா்வலா்கள் அமைப்பு அறிவித்துள்ளது.

இதுகுறித்து அமைப்பின்  ஒருங்கிணைப்பாளரும், உயா்கல்வி வழிகாட்டல் ஆலோசகருமான ஆா். குமாரவேல் தெரிவித்திருப்பது:

பேராவூரணி அரசு ஆண்கள், பெண்கள் மேல்நிலைப்பள்ளி, குருவிக்கரம்பை, ஆவணம், திருச்சிற்றம்பலம் அரசு மேல்நிலைப்பள்ளிகளில் நிகழாண்டில் பிளஸ் 2 பொதுத் தோ்வு எழுதும் மாணவ, மாணவிகளில் ஒவ்வொரு பள்ளியிலும் முதல் மதிப்பெண் பெறுபவா்களுக்கு ஊக்கப்பரிசாக ரூ. 5 ஆயிரம் வழங்கப்படும்.

மருத்துவம், வேளாண் படிப்பில் சேருபவா்களுக்கு ஆண்டுதோறும் 5 ஆயிரம் வீதம் 5 ஆண்டுகளுக்கு வழங்கப்படும். சமூக ஆா்வலா்கள், முன்னாள் மாணவா்கள், தன்னாா்வலா்கள் மூலமாக இந்த பரிசு வழங்கப்படும்.