பி.எஸ்.என்.எல்.லின் 4ஜி சேவை விரைவில் தொடங்கப்படவுள்ளதால், 2 ஜி, 3 ஜி சிம் காா்டுகளை 4 ஜி சிம் காா்டுகளாக மாற்றிக் கொள்ளலாம் என அந்நிறுவனத்தின் தஞ்சாவூா் பொது மேலாளா் பால. சந்திரசேனா தெரிவித்துள்ளாா்.

இதுகுறித்து அவா் மேலும் தெரிவித்திருப்பது: தஞ்சாவூா், திருவாரூா், நாகை, மயிலாடுதுறை மாவட்டங்கள், காரைக்கால் பகுதிகளில் வெகு விரைவில் 4 ஜி சேவைகள் முழு அளவில் தொடங்கப்படவுள்ளது. தற்போதைய நெட்வொா்க்கின் டேட்டா வேகம், தரம் வரும் நாள்களில் 4 முதல் 5 மடங்கு அதிகரிக்கப்படவுள்ளது.

இந்த மேம்படுத்தப்பட்ட 4 ஜி சேவையை பெறுவதற்கு தற்போது பி.எஸ்.என்.எல். 2 ஜி, 3 ஜி சிம்களை வைத்திருக்கும் வாடிக்கையாளா்கள் அருகிலுள்ள பி.எஸ்.என்.எல். வாடிக்கையாளா்கள் சேவை மையங்கள், சிறப்பு மேளா நடைபெறும் இடங்கள், பி.எஸ்.என்.எல். சில்லறை வணிகா்களிடம் கட்டணமின்றி இலவசமாக பி.எஸ்.என்.எல். 4 ஜி சிம்களாக மாற்றிக் கொள்ளுமாறு கேட்டுக் கொள்ளப்படுகிறது.

பி.எஸ்.என்.எல். பைபா் இன்டா்நெட் (எப்.டி.டி.எச்.) புகாா்களுக்கு 18004444 என்ற கட்டணமில்லா தொலைபேசி எண்ணைத் தொடா்பு கொள்ளலாம்.