பேராவூரணி: பேராவூரணி வட்டத்தில் வருவாய் தீா்வாயம் (ஜமாபந்தி) புதன்கிழமை தொடங்குகிறது.

இதுதொடா்பாக பேராவூரணி வட்டாட்சியா் நா. சுப்பிரமணியன் வெளியிட்டுள்ள செய்திக்குறிப்பில் கூறியிருப்பதாவது:

பேராவூரணி வட்டத்தில் உள்ள அனைத்து வருவாய் கிராமங்களிலும், கிராம நிா்வாக அலுவலா்களால் பராமரிக்கப்பட்டு வரும் வருவாய் கணக்குகளை தணிக்கை செய்யும் பொருட்டு, 1434-ஆம் பசலி ஆண்டு வருவாய் தீா்வாயம் (ஜமாபந்தி), தஞ்சாவூா் தனித்துணை ஆட்சியா் (முத்திரைக்கட்டணம்) தலைமையில், பேராவூரணி வட்டாட்சியரகத்தில் புதன்கிழமை பெருமகளூா் உள்வட்டத்துக்கும், மே 15-இல் குருவிக்கரம்பை உள்வட்டத்துக்கும், மே 16-இல் ஆவணம் உள்வட்டத்துக்கும், மே 20-இல் பேராவூரணி உள்வட்டத்துக்கும், குறிப்பிட்ட நாள்களில் காலை 10 மணிக்கு பேராவூரணி வட்டாட்சியரகத்தில் நடைபெறும். 

பொதுமக்கள் தங்கள் மனுக்களை முதல்வரின் முகவரி என்னும் இணையதளத்தின் இணையவழியாக ஸ்ரீம்ட்ங்ப்ல்ப்ண்ய்ங்-க்ஹள்ட்க்ஷா்ழ்க்.ற்ய்ங்ஞ்ஹ என்ற இணையதள முகவரியிலோ அல்லது இ-சேவை மையங்களின் மூலமாகவோ வருவாய் தீா்வாய மனுக்களை பதிவு செய்ய வேண்டும். 

வருவாய்த் தீா்வாயத்தில் பொதுமக்களிடம் பெறப்படும் மனுக்களுக்கு உடனடியாக தீா்வு காணப்படும் என தெரிவித்துள்ளாா்.