ஸ்ரீரங்கம் அரங்கநாதர் திருக்கோயில் உண்டியல் காணிக்கை எண்ணும் பணி வியாழக்கிழமை காலை கோயிலில் உள்ள கருடாழ்வார் சன்னதியில் நடைபெற்றது. இதில் ரூ.54.96 லட்சம் இருந்தது. 
பிரசித்தி பெற்ற ஸ்ரீரங்கம் அரங்கநாதர் கோயிலில் மாதந்தோறும் உண்டியல் திறப்பது வழக்கம். நடப்பு மாதத்துக்கான உண்டியல் எண்ணும் பணி வியாழக்கிழமை காலை நடைபெற்றது. 
கோயில் இணை ஆணையர் பொன்.ஜெயராமன் முன்னிலையில் உண்டியல் திறக்கப்பட்டது. இதில், ரூ.54 லட்சத்து 96 ஆயிரத்து 901 ரொக்கம், 84 கிராம் தங்கம் , 588 கிராம் வெள்ளி, வெளிநாட்டு கரன்சிகள்  629 ஆகியவை இருந்தன.