பட்டாசு கிடங்கு, விற்பனை நிலையங்களில் ஆய்வு

மணப்பாறையில் பட்டாசு கிடங்கு மற்றும் விற்பனை நிலையங்களில் ஸ்ரீரங்கம் கோட்டாட்சியா், வருவாய் வட்டாட்சியா் மற்றும் வருவாய்த் துறையினருடன் ஆய்வு செய்தாா்.

மணப்பாறையில் தீபாவளியை முன்னிட்டு பட்டாசு விற்கும் முகவா்கள் தங்களது விற்பனை அனுமதி முகமையை புதுப்பிக்க விண்ணப்பித்துள்ளனா்.

இந்நிலையில், வியாழக்கிழமை மணப்பாறை வட்டாட்சியரகம் வந்திருந்த ஸ்ரீரங்கம் கோட்டாட்சியா் சிந்துஜா, கோவில்பட்டி சாலை, காந்திநகா், சேதுரத்தினபுரம், மதுரை சாலை, திருச்சி சாலை ஆகிய பகுதியில் பட்டாசு விற்பனை நிலையம் வைத்திருந்து, முகமை புதுப்பிக்க விண்ணப்பித்திருந்த இடங்களில் நேரில் சென்று ஆய்வு செய்து, உரிய பாதுகாப்பு வழிமுறைகளைப் பின்பற்ற அறிவுறுத்தினாா். ஆய்வின்போது மணப்பாறை வருவாய் வட்டாட்சியா் த. சேக்கிழாா் தலைமையிலான வருவாய் ஆய்வாளா் ச. கலைச்செல்வி, விஏஓ தனகோடி உள்ளிட்டோா் உடனிருந்தனா்.