சீலைப்பிள்ளையாா்புத்தூா் சிவன் கோயிலில் திருக்கல்யாணம்

காட்டுப்புத்தூா் அருகிலுள்ள சீலைப்பிள்ளையாா்புத்தூா் அருள்மிகு கல்யாண மீனாட்சி சுந்தரேசுவரா் திருக்கோயிலில் மீனாட்சித் திருக்கல்யாணம் புதன்கிழமை மாலை நடைபெற்றது.

இதையொட்டி ஸ்ரீ ராமா் கோயிலிலிருந்து கல்யாண மீனாட்சி சுந்தரேசுவரா் கோயிலுக்கு சீா் அழைத்தல் நடைபெற்றது. தொடா்ந்து மீனாட்சி சுந்தரேசுவரா் சுவாமிக்கு சிறப்பு பூஜை, அலங்காரம் செய்யப்பட்டு, மாலை மாற்றுதல் உள்ளிட்ட நிகழ்வுகள் நடத்தப்பட்டன. தொடா்ந்து மாங்கல்யதாரணம் என்ற திருக்கல்யாணம் நடைபெற்றது. இதை வாங்கல் எஸ்.சாம்பமூா்த்தி குருக்கள் நடத்தி வைத்தாா்.

பரம்பரை அறங்காவலா் எஸ்.ஆா்.ராமச்சந்திரஅய்யா், கோயில் நிா்வாகி எம். ஆறுமுகம்,

சிவனடியாா்கள், கிராமமக்கள் என திரளாக பங்கேற்றனா். தொடா்ந்து பொதுமக்களுக்கு அருட்பிரசாதம், அன்னதானம் வழங்கப்பட்டது.