பேருந்திலிருந்து தவறி விழுந்த மாணவி காயம்

மணப்பாறையை அடுத்த பன்னாங்கொம்பு பகுதியில் வியாழக்கிழமை பேருந்தில் இருந்து மாணவி தவறி விழுந்து காயமடைந்தாா்.

மணப்பாறை அருகேயுள்ள பிச்சம்பட்டியை சோ்ந்த 16 வயது மாணவி பன்னாங்கொம்பு அரசு மேல்நிலைப்பள்ளியில் 11-ம் வகுப்பு படிக்கிறாா். இவா் பள்ளி முடிந்து புத்தாநத்தம் வழியாக கண்ணூத்து செல்லும் அரசு பேருந்தின் ஏறி முன்பக்க படிக்கட்டில் பயணித்தபோது சிறிது தூரத்திலேயே தவறி விழுந்து பலத்த காயமடைந்தாா். இதையடுத்து அருகிலிருந்தோரால் அவா் மணப்பாறை தனியாா் மருத்துவமனையில் சோ்க்கப்பட்டாா். புத்தாநத்தம் போலீஸாா் விசாரிக்கின்றனா்.