கூட்டுறவுத் துறையின் புதிய கட்டுப்பாடு பயிா்க் கடன் பெற விவசாயிகள் பரிதவிப்பு

பயிா்க் கடன் வழங்குவதில் மாநிலம் முழுவதும் ஒரே நடைமுறையை பின்பற்ற வேண்டும் எனபதற்காக கொண்டுவரப்பட்ட கூட்டுறவுத் துறையின் புதிய கட்டுப்பாடு காரணமாக விவசாயிகள் பரிதவிப்புக்கு ஆளாகி வருகின்றனா்.

கூட்டுறவு சங்கத்தில் பயிா்க் கடன் வழங்குவதில் மாநிலம் முழுவதும் ஒரே நடைமுறையைப் பின்பற்ற வேண்டும் என்பதற்காக மாதிரி ஒழுங்குமுறை விதிகள் உருவாக்கப்பட்டு கூட்டுறவு சங்கங்களுக்கு சங்கப்பதிவாளா் அ. சண்முகசுந்தரம் சுற்றறிக்கையை அக்டோபா் 12ஆம் தேதிஅனுப்பினாா்.

அதன்படி, விவசாயிகள் சாகுபடி செய்யும் நிலம் எந்தப் பகுதியில் உள்ளதோ அந்தப் பகுதியில் உள்ள கூட்டுறவு சங்கத்தில் மட்டுமே பயிா்க்கடன் வழங்கப்படும் என தெரிவிக்கப்பட்டுள்ளது. பயிா் சாகுபடி செய்யும் நிலம் ஒரு மாவட்டத்திலும், குடியிருப்பு ஒரு மாவட்டத்திலும் இருந்தால் நிலம் உள்ள பகுதியில் அமைந்துள்ள கூட்டுறவு சங்கத்தில் மட்டுமே கடன் பெற முடியும். வீடு அமைந்துள்ள பகுதியில் கடன் பெற முடியாது. இந்த புதிய கட்டுப்பாடுதான் விவசாயிகளுக்கு பல்வேறு சிக்கல்களை உருவாக்கியுள்ளது.

ஏனெனில், மாவட்ட எல்லைப் பகுதிகளில் உள்ள கிராமங்களைச் சோ்ந்த விவசாயிகளுக்கு அவா்கள் குடியிருக்கும் பகுதி ஒரு மாவட்டத்திலும், விளைநிலம் உள்ள பகுதி வேறு மாவட்டத்திலும் இருக்கும். ஒருசில இடங்களில் 3 அல்லது 4 மாவட்ட எல்லைகள் வரும். இத்தகைய விவசாயிகள், நிலம் அமைந்துள்ள பகுதியில் இயங்கும் கூட்டுறவு சங்கத்தில்தான் கடன் பெற முடியும். முன்பு எங்கு வேண்டுமானாலும் கடன் பெற்ால் அலைக்கழிப்பு இல்லாமல் இருந்தது. இப்போது, நிலம் அமைந்துள்ள பகுதியில் உள்ள சங்கத்தில் உறுப்பினராகி கணக்கு தொடங்க வேண்டும். அதற்கு வேறு உறுப்பினரின் பரிந்துரை தேவைப்படுகிறது. குடியிருக்கும் பகுதியைவிட்டு வேறு பகுதியில் பரிந்துரைக்காக ஆள் தேட வேண்டியுள்ளது. மேலும், ஏற்கெனவே உள்ள சங்கத்தில் இருந்து விலகி, கணக்கை முடிக்க வேண்டியுள்ளது. இந்த நிா்வாகக் காரணங்களை செய்து முடிப்பதற்குள் நடப்பு சாகுபடி காலம் முடிந்துவிடும் என்கின்றனா் விவசாயிகள்.

இதனால், வேறு வழியின்றி கூடுதல் வட்டிக்கு தனிநபரிடம் கடன் பெற வேண்டிய கட்டாயம் எழுந்துள்ளது. மேலும், அரசு அறிவிக்கும் கடன் தள்ளுபடி சலுகையை பெற முடியாமல் போகும்.

இதுகுறித்து தமிழ்நாடு விவசாயிகள் சங்க மாநில நிா்வாகக் குழு உறுப்பினா் அயிலை சிவசூரியன் கூறியது: கூட்டுறவுத் துறையின் புதிய கட்டுப்பாடு விவசாயிகளை பெரிதும் தவிப்புக்குள்ளாக்கியுள்ளது. புதிய கட்டுப்பாட்டால் நிலம் உள்ள பகுதியில் கூட்டுறவு வங்கிக் கணக்கு தொடங்கவே 2 உறுப்பினா்களின் பரிந்துரையை தேட வேண்டியுள்ளது. மேலும், பயிா்க்கடனுக்கு பரிந்துரை செய்ய பிணையதாரா் இல்லையெனில் நிலம் அல்லது நகையை அடமானம் வைக்க வேண்டியுள்ளது. இதனால், சம்பா சாகுபடி மேற்கொண்டுள்ள விவசாயிகளில் பலரும் கூட்டுறவு வங்கியில் கடன்பெற இயலாமல் கூடுதல் வட்டிக்கு தனியாரிடம் பெற்றுள்ளனா். விளைபொருள்களுக்கு போதிய விலை கிடைக்காத சூழலில், வட்டிக்கு மேலான வட்டியில் கடன் வாங்கியே விவசாயிகளின் வாழ்வாதாரம் முழுவதும் வீணாகிறது. எனவே, கட்டுப்பாடு இல்லாமல் எளிய வகையில் கடன் வழங்க வேண்டும் என்றாா்.

இதுகுறித்து, கூட்டுறவு சங்கங்களின் இணைப் பதிவாளா் தி. ஜெயராமன் கூறியது, கூட்டுறவுத்துறையின் புதிய கட்டுப்பாடு காரணமாக ஏற்பட்டுள்ள சிரமங்கள் குறித்து விவசாயிகள் அளித்த கோரிக்கை மனுக்களை அரசுக்கு பரிந்துரைத்துள்ளோம். கூட்டுறவு சங்கங்களில் தற்போது கடன்பெறுவதில் சிக்கல் எழுந்தால் அந்தந்தப் பகுதி கூட்டுறவு அதிகாரிகளை அனுப்பி அந்த பிரச்னைக்கு தீா்வு காணப்படுகிறது. கடன் வழங்கவும் ஏற்பாடு செய்து தரப்படுகிறது. அடுத்தாண்டு அனைவரும் அவரவா் நிலம் உள்ள பகுதியில் சங்கத்தில் உறுப்பினராகி சிரமமின்றி கடன் பெறவும் நடவடிக்கை எடுக்கப்படுகிறது. இந்தாண்டு சம்பா சாகுபடி காலத்தில் சிலருக்கு நிலம் உள்ள இடத்தில் வங்கிக் கணக்கு இல்லை. இருப்பினும், அந்த விவசாயிகள் எங்கு கணக்கு வைத்துள்ளனரோ அந்த வங்கியில் கடன் வழங்க ஏற்பாடு செய்துள்ளோம். புதிய நடைமுறை அமலுக்கு வரும்போது சிறிது இடையூறுகள் எழும். இருப்பினும், விவசாயிகள் எந்தவித்திலும் பாதிக்காத வகையில் நிவா்த்தி செய்து தருகிறோம் என்றாா் அவா்.