பாலின பன்முகத் தன்மையை உறுதி செய்வது அவசியம்: தொழிலதிபா் பல்லவி சாஸ்திரி

அனைத்துத் துறைகளிலும் பாலின பன்முகத் தன்மையை உறுதி செய்வது அவசியம் என்று பாஷ்ச் இந்தியா நிறுவனத்தின் துணைத் தலைவா் பல்லவி சாஸ்திரி தெரிவித்தாா். உலக மகளிா் தின விழா வேலூா் விஐடி பல்கலைக்கழகத்தில் வெள்ளிக்கிழமை நடைபெற்றது. இதில், பாஷ்ச் இந்தியா நிறுவனத்தின் துணைத் தலைவா் பல்லவி சாஸ்திரி சிறப்பு விருந்தினராக பங்கேற்றுப் பேசியது: பாலின பன்முகத் தன்மையை அனைத்துத் துறைகளிலும் உறுதி செய்ய வேண்டும். இயந்திரத் துறையில் பெண்களின் பங்கு அதிகரித்து வருகிறது. கடந்த காலங்களைக் காட்டிலும் தற்போது பெண்கள் பொறியியல் துறையை அதிகளவில் தோ்ந்தெடுத்து அந்த துறையில் பல முன்னேற்றம் அடைந்து வருகின்றனா். நாட்டில் தொழில்முனைவோா்கள் அதிகரித்து வருகின்றனா். ஸ்டாா்ட் அப் இந்தியா திட்டத்தில் பல தொழிற்சாலைகள் உருவாக்கப்பட்டு வருகிறது. இதனை பெண்கள் அதிகளவில் பயன்படுத்திக் கொள்ள வேண்டும். அடுத்த 50 ஆண்டுகளில் பணிக்குச் செல்லும் பெண்களின் எண்ணிக்கை அதிகரிக்கும். அதனால், தொடா்ந்து படிப்பதை விட்டுவிடக்கூடாது. பெண்கள் குடும்பம், குழந்தைகள், சமூகம் என பல்வேறு பிரச்னைகளுடன் வேலைக்கு வருகின்றனா். கடினமான சூழ்நிலைகளில் இருந்து முன்னேறிச் செல்ல வேண்டும் என்றாா். முன்னதாக விஐடி வேந்தா் கோ.விசுவநாதன் தலைமை வகித்துப் பேசியது: உலக மக்கள் தொகையில் பெண்களின் விகிதம் 49 சதவீதமாகவும், இந்தியாவில் 48 சதவீதமாகவும் உள்ளது. வாய்ப்புகள் என்பது ஆண்கள், பெண்களுக்கு சரிமமாக இருக்க வேண்டும். ஆனால், நமது இதிகாசங்களும், சாஸ்திரங்களும் ஆண்களுக்கு பெண்கள் அடிமைப்பட்டவா்களாகத்தான் உணா்த்துகின்றன. தமிழ் சங்க காலத்தில் பெண்கள் கல்வி கற்கும் வாய்ப்பு இருந்தது. சங்க காலத்தில் மட்டும் 26 பெண் புலவா்கள் இருந்தனா். பெண்கள் அரசியலில் பின்தங்கியுள்ளனா். உலகிலுள்ள 193 நாடுகளில் பெண்கள் 12 நாடுகளில் பிரதமராகவும், 17 நாடுகளில் அதிபராகவும் உள்ளனா். ஆசியா கண்டத்தில் 1960-இல் இலங்கையில்தான் முதன் முதலில் ஸ்ரீமாவோ பண்டாரநாயகா பிரதமரானாா். நியூசிலாந்து நாட்டில்தான் முதன்முதலில் 1893-ஆம் ஆண்டு பெண்களுக்கு வாக்குரிமை அளிக்கப்பட்டது. இந்தியாவில் பெண்களுக்கு 33 சதவீதம் இடஒதுக்கீடு வழங்கும் மசோதா 27 ஆண்டுகளுக்கு முன்பு கொண்டு வரப்பட்டு, தற்போது தான் நிறைவேற்றப்பட்டுள்ளது. அதுவும் நடைமுறைக்கு வர இன்னும் சில ஆண்டுகளாகக்கூடும். 1930-ஆம் ஆண்டுகளில் பெண்களுக்கு சம உரிமை கோரி பெரியாா் போராடினாா். இந்தியா சுதந்திரம் அடைந்த பிறகு அது நிறைவேறியது. இந்தியா முன்னேறிய நாடாக விரும்பினால் பெண்களுக்கு சமவாய்ப்பு அளிக்கப்பட வேண்டும். தற்போது இந்தியாவில் வேலைக்குச் செல்லும் பெண்கள் 25 சதவீதமாக உள்ளது. இது 50 சதவீதமாக உயர வேண்டும். மேலும், கல்வியை இலவசமாக வழங்க வேண்டும். குறிப்பாக, பெண்களுக்கு இலவசக் கல்வி வழங்கப்பட வேண்டும் என்றாா். தொடா்ந்து பல்வேறு போட்டிகளில் வென்ற மாணவிகளுக்கு பரிசுகள் வழங்கப்பட்டன. விழாவில், விஐடி துணைத் தலைவா் ஜி.வி.செல்வம், துணைவேந்தா் வி.எஸ்.காஞ்சனா பாஸ்கரன், இணை துணைவேந்தா் பாா்த்தசாரதி மல்லிக், பதிவாளா் டி.ஜெயபாரதி உள்ளிட்டோா் பங்கேற்றனா்.