சிதம்பரம் அருகே தமிழ் வழிபாட்டு பயிற்சி சான்றிதழ் வழங்கும் நிகழ்ச்சி

சிதம்பரம் அருகே உள்ள இடையன்பால்சொரி கிராமத்தில் தெய்வத் தமிழ்ப் பேரவை சார்பில் தமிழ் வழிபாட்டு பயிற்சி நிறைவு விழா மற்றும் சான்றிதழ் வழங்கும் நிகழ்ச்சி திங்கள்கிழமை நடைபெற்றது. 

ஆக. 7, 8 தேதிகளில் சிதம்பரம் இடையன் பால் சொரி கிராமத்தில் நடைப்பெற்ற இப்பயிலரங்கில் பெராம்பட்டு, சிவக்கம், மஞ்சசுழி, திட்டுக்காட்டூர், பூங்குடி, வடமூர், மேலமூங்கிலடி, கோவிலாம்பூண்டி உள்ளிட்ட பல்வேறு கிராமங்களிலிருந்து கோயில் பூசாரிகள் பங்கேற்றனர். 

தெய்வத் தமிழ்ப் பேரவையின் செயற்குழு உறுப்பினரும் சைவ ஆன்மீக செயல்பாட்டாளருமான இறைநெறி இமயவன், பூசாரிகளுக்கு தமிழ் வழிபாட்டு பயிற்சிகளை அளித்தார். இப்பயிலரங்கை தில்லை திருமுறை மன்ற அமைப்பாளர் வி.முருகையன் தொடங்கி வைத்தார். திங்கள்கிழமை நடைபெற்ற பயிற்சி  நிறைவு விழாவில் அண்ணாமலைப் பல்கலைக்கழக பொறியியல் துறை முன்னாள் தலைவர் பேராசிரியர் ஞான. அம்பலவாணன், ச.மணிவண்ணன் ஆகியோர் வாழ்த்துரை வழங்கினர். 

இதையும் படிக்கலாமே- வாழ்க்கை வரலாற்றுப் படம்: 'தங்க மகன்' நீரஜ் சோப்ரா என்ன சொல்கிறார்?

இப்பயிற்சியை நிறைவு செய்தவர்களுக்கு தமிழ்த்தேசியப் பேரியக்க பொதுச்செயலாளர் கி. வெங்கட்ராமன் சான்றிதழ் வழங்கி பாராட்டுரையாற்றினார். பயிற்சி பெற்ற பூசாரிகளின் சார்பில் கோதண்டபாணி நன்றி உரையாற்றினார். இப்பயிலரங்கை தெய்வ தமிழ்ப் பேரவை ஒருங்கிணைப்பு குழு உறுப்பினரும் வள்ளலார் ஆய்வாளருமான முனைவர் வே.சுப்ரமணியசிவா ஒருங்கிணைத்தார்.