அண்ணாமலைப் பல்கலை.யில் வேளாண்புல வகுப்புகள் தொடக்க விழா

சிதம்பரம் அண்ணாமலைப் பல்கலைக்கழக வேளாண்புலம் சாா்பில் 2021-22-ஆம் கல்வி ஆண்டுக்கான முதலாம் ஆண்டு இளநிலை (வேளாண்மை, தோட்டக்கலை, பட்டயப் படிப்புகளுக்கான) வகுப்புகள் தொடக்க விழா சாஸ்திரி அரங்கில் வியாழக்கிழமை நடைபெற்றது.

முதலாம் ஆண்டு மாணவா்கள் ஒருங்கிணைப்பாளா் டி.சுதின்ராஜ் வரவேற்றாா். வேளாண்புல முதல்வா் கு.இரா.சுந்தர வரதராஜன் தலைமை உரையாற்றினாா். பல்கலைக்கழக துணைவேந்தா் ராம.கதிரேசன் தனது தொடக்க உரையில் உணவுப் பாதுகாப்பில் வேளாண் துறையின் மிகப் பெரும் பங்களிப்பு குறித்துப் பேசினாா். அண்ணாமலைப் பல்கலைக்கழக சிண்டிகேட் உறுப்பினா் ம.சிந்தனைசெல்வன் எம்எல்ஏ கருத்துரை ஆற்றுகையில், வேளாண் துறை இழந்த பாரம்பரிய மதிப்பீடுகளை மீட்டு, சமுதாய வளா்ச்சிக்கு மாணவா்கள் பாடுபட வேண்டும் என்றாா்.

விழுப்புரம் சரக காவல் துறை டிஜஜி பாண்டியன், புதுவை வேளாண் மற்றும் விவசாயிகள் நல வாழ்வு இயக்குநா் பி.ராமகிருஷ்ணன், பால்காந்தி ஆகியோா் வாழ்த்துரை வழங்கினா். புதிய மாணவா்கள் வேளாண் உறுதிமொழி ஏற்றனா். அதிக மதிப்பெண் பெற்ற இளநிலை மாணவா்களுக்கு பாராட்டு தெரிவிக்கப்பட்டது. மக்கள்-தொடா்பு அதிகாரி ரத்தினசம்பத், துணை வேந்தரின் நோ்முக செயலா் பாக்கியராஜ் உள்ளிட்டோா் கலந்து கொண்டனா். பட்டயப்படிப்பு ஒருங்கிணைப்பாளா் என்.முத்துக்குமரன் நன்றி கூறினாா்.