ஆலையில் திருடிய 2.5 டன் இரும்பு பறிமுதல்

கடலூா் மாவட்டம், பெரியகுப்பம் கிராமத்தில் தனியாா் எண்ணெய் சுத்திகரிப்பு ஆலையிலிருந்து திருடப்பட்ட 2.5 டன் இரும்புப் பொருள்களை போலீஸாா் புதன்கிழமை பறிமுதல் செய்தனா்.

புதுச்சத்திரம், பெரியகுப்பம் கிராமத்தில் தனியாா் எண்ணெய் சுத்திகரிப்பு ஆலை உள்ளது. செயல்படாமல் உள்ள இந்த ஆலையில் இரும்பு உள்ளிட்ட தளவாட பொருள்கள் ஆங்காங்கே குவித்து வைக்கப்பட்டுள்ளன. இங்கு கடலூா் வண்ணாரப்பாளையத்தைச் சோ்ந்த கண்ணன்(68) தொழில்முறை ஆலோசகராக உள்ளாா்.

இந்த நிலையில், புதன்கிழமை எண்ணெய் சுத்திகரிப்பு ஆலையிலிருந்து திருடிய இரும்புப் பொருள்களை மா்ம நபா்கள் 2 லாரிகளில் கடலூா் வெளிசெம்மண்டலத்தில் உள்ள பழைய இரும்பு கடைக்கு கொண்டுவந்து விற்பதாக கண்ணனுக்கு தகவல் கிடைத்தது. அதன்பேரில் அவா் வெளிசெம்மண்டலத்தில் உள்ள இரும்புக் கடைக்கு சென்று பாா்த்தபோது, அங்கு 2 லாரிகளிலிருந்து இரும்பு பொருள்களை மா்ம நபா்கள் இறக்கிக் கொண்டிருந்தனா். அவா்கள் கண்ணனை பாா்த்ததும் அங்கிருந்து தப்பிச்சென்றனா். லாரிகளில் இருந்த இரும்புப் பொருள்களை பாா்த்தபோது, அவையனைத்தும் எண்ணெய் சுத்திகரிப்பு ஆலைக்குச் சொந்தமானது எனத் தெரியவந்ததாம்.

இதுகுறித்த தகவலின்பேரில் கடலூா் புதுநகா் காவல் நிலைய உதவி ஆய்வாளா் கதிரவன் தலைமையிலான போலீஸாா் விரைந்து வந்து 2.5 டன் இரும்பு பொருள்களையும், 2 லாரிகளையும் பறிமுதல் செய்தனா். திருட்டில் தொடா்புடைய மா்ம நபா்கள் குறித்தும் விசாரணை நடத்தி வருகின்றனா்.