விருத்தாசலம் ஒன்றியக் குழு புதிய தலைவா் தோ்வு

கடலூா் மாவட்டம், விருத்தாசலம் ஊராட்சி ஒன்றியக் குழு புதிய தலைவராக சுயேட்சை வேட்பாளா் மலா்முருகன் புதன்கிழமை தோ்ந்தெடுக்கப்பட்டாா்.

விருத்தாசலம் ஊராட்சி ஒன்றியத்தின் ஒன்றியக் குழுத் தலைவராக அதிமுகவைச் சோ்ந்த செல்லத்துரை செயல்பட்டு வந்தாா். தமிழகத்தில் ஆட்சி மாற்றத்துக்குப் பிறகு அவா் அதிமுகவிலிருந்து திமுகவுக்கு மாறினாா். இதையடுத்து, அவா் மீது நம்பிக்கையில்லா தீா்மானத்தை திமுக உறுப்பினா்கள் கொண்டு வந்தனா்.

இதையடுத்து, கடந்த மாா்ச் 5-ஆம் தேதி நடைபெற்ற நம்பிக்கை வாக்கெடுப்பில் செல்லத்துரை மீதான தீா்மானம் வெற்றி பெற்ால், அவா் பதவியை இழந்தாா். இதைத் தொடா்ந்து, புதிய ஊராட்சி ஒன்றியக் குழுத் தலைவரை தோ்வு செய்வதற்கான தோ்தல் புதன்கிழமை நடைபெற்றது. உதவித் திட்ட அலுவலா் ரவிச்சந்திரன் தலைமையில் ரகசிய வாக்கெடுப்பு நடத்தப்பட்டதில், மொத்தமுள்ள 19 உறுப்பினா்களும் பங்கேற்றனா்.

இதில், திமுக ஆதரவு பெற்ற சுயேட்சை வேட்பாளராக 17-ஆவது வாா்டு உறுப்பினா் மலா் முருகன் வேட்புமனு தாக்கல் செய்தாா். முன்னாள் ஒன்றியக் குழுத் தலைவரான செல்லத்துரையும் மனு தாக்கல் செய்தாா். இதில், மலா்முருகன் 16 வாக்குகளைப் பெற்று வெற்றி பெற்றாா். செல்லத்துரை 3 வாக்குகளை மட்டுமே பெற்று தோல்வியடைந்தாா்.

இதையடுத்து, புதிய ஒன்றியக் குழுத் தலைவராக மலா்முருகன் பொறுப்பேற்றுக் கொண்டாா். அவருக்கு சக உறுப்பினா்கள் வாழத்துத் தெரிவித்தனா்.