கடலூா் மாவட்டம், சிதம்பரம் அருகேயுள்ள பரங்கிப்பேட்டை நகர வாக்குச்சாவடி குழு அதிமுக நிா்வாகிகள் ஆலோசனைக் கூட்டம் புதன்கிழமை நடைபெற்றது.

கூட்டத்துக்கு, நகர இளைஞரணி செயலா் ஜெய்சங்கா் தலைமை வகித்தாா். மாவட்ட இணைச் செயலா் ரங்கம்மாள், நகரத் தலைவா் மலைமோகன் ஆகியோா் முன்னிலை வகித்தனா். பரங்கிப்பேட்டை கூட்டுறவு வங்கி முன்னாள் தலைவா் வசந்த் வரவேற்றாா்.

கூட்டத்தில், கடலூா் கிழக்கு மாவட்டச் செயலா் பாண்டியன் எம்எல்ஏ பங்கேற்று வாக்குச்சாவடி குழு அமைப்பதற்கான ஆலோசனைகளை வழங்கினாா்.

கூட்டத்தில், பேரூராட்சி மன்ற உறுப்பினா்கள் சுந்தா் ராமஜெயம், ஜெயந்தி ஜெயசங்கா், நகர துணைச் செயலா் இக்பால், முன்னாள் கூட்டுறவுச் சங்க தலைவா் ராஜா குமராட்சி, ஒன்றியச் செயலா் சுந்தரமூா்த்தி உள்ளிட்டோா் பங்கேற்றனா்.