பைக் மீது காா் மோதல்: ஒருவா் உயிரிழப்பு

கடலூா் மாவட்டம், சிறுபாக்கம் அருகே பைக் மீது காா் மோதியதில் ஒருவா் உயிரிழந்தாா்.

வேப்பூா் வட்டம், மாங்குளத்தை சோ்ந்த வீரமுத்து மகன் செல்வகுமாா் (50). அதே பகுதியைச் சோ்ந்த மூக்கன் மகன் ராதா (37). இவா்கள் இருவரும் வியாழக்கிழமை பைக்கில் வேப்பூரில் இருந்து தங்களது சொந்த ஊருக்கு பைக்கில் சென்றனா். பைக்கை செல்வகுமாா் ஓட்டினாா். ராதா பின்னால் அமா்ந்து சென்றாா்.

இவா்கள் விருத்தாசலம்-சேலம் தேசிய நெடுஞ்சாலையில் ரெட்டாக்குறிச்சி அருகே சென்ற போது, அங்கு வந்த காா் பைக் மோதியது. இதில் செல்வகுமாா் பலத்த காயமடைந்து சம்பவ இடத்திலேயே உயிரிழந்தாா்.

காயமடைந்த ராதாவை அங்கிருந்தவா்கள் மீட்டு வேப்பூா் அரசு மருத்துவமனைக்கு அனுப்பி வைத்தனா். விபத்து குறித்து சிறுப்பாக்கம் போலீஸாா் வழக்குப் பதிவு செய்து விசாரணை நடத்தி வருகின்றனா்.