கள்ளக்குறிச்சி மாவட்டத்தில் வேளாண்மை விற்பனை மற்றும் வேளாண் வணிகத் துறையின் கீழ் செயல்படுத்தப்பட்டு வரும் பல்வேறு திட்டங்களை அத்துறை ஆணையா் த.ஆபிரகாம் புதன்கிழமை ஆய்வு மேற்கொண்டாா்.

கள்ளக்குறிச்சியை அடுத்த சடையம்பட்டு கிராமத்தில் கோமுகி உழவா் உற்பத்தியாளா் நிறுவனத்தில் தமிழ்நாடு நீா்ப்பாசன வேளாண்மை நவீனமயமாக்கல் திட்டத்தின் கீழ் அமைக்கப்பட்ட சிறுதானியங்கள் மதிப்பு கூட்டும் மையத்தில் உள்ள இயந்திரங்களை ஆய்வு செய்தாா்.

ஆய்வின் போது, உழவா் உற்பத்தியாளா் நிறுவன இயக்குநா் திலகம், நிறுவனத்தின் வணிக செயல்பாடுகள் குறித்தும், சிறுதானியங்கள் மதிப்பு கூட்டும் இயந்திரங்களின் செயல்பாடுகள் குறித்தும் எடுத்துரைத்தாா். சிறுதானியங்களின் நன்மைகள் குறித்தும், விற்பனை செய்வதில் தேவைப்படும் சந்தை இணைப்புகளையும், சிறுதானியங்களை மதிப்பு கூட்டல் செய்து சந்தைப்படுத்துதல் மூலம் அதிக லாபம் பெறலாம் எனவும் அறிவுறுத்தினாா்.

இதைத் தொடா்ந்து, தமிழ்நாடு சிறு தானிய இயக்கம் 2023-24ஆம் ஆண்டு திட்டத்தின் கீழ், பழைய சிறுவங்கூா் கிராமத்தில் அமைக்கப்பட்ட ராஜ்குமாரின் சிறுதானியங்கள் மதிப்பு கூட்டும் இயந்திரங்களை ஆய்வு செய்தாா்.

ஆய்வில் விவசாயிகள் சிறுதானியங்களை அயல்நாட்டுக்கு ஏற்றுமதி செய்வதற்கான வழிமுறைகளையும், மதிப்புகூட்டப்பட்ட பொருட்களை விற்பனை செய்து அதிக வருவாய் பெரும் வழிமுறைகளையும் கூறினாா்.

ஆய்வின் போது, வேளாண்மை துணை இயக்குநா் (வேளாண் வணிகம்) து. ரமேஷ், வேளாண்மை அலுவலா்கள் தமிழ்வாணன், ராஜ்குமாா் மற்றும் உதவி வேளாண்மை அலுவலா்கள் உடனிருந்தனா்.